تاراز. 2 اقپان. وڭىرلىك كوممۋنيكاتسيا قىزمەتىندە قحا مۇشەلەرىنىڭ قاتىسۋىمەن بريفينگ ءوتتى. بۇل تۋرالى egemen.kz ءتىلشىسى حابارلادى.
بريفينگكە قاراشاي-بالقار ەتنومادەني بىرلەستىگىنىڭ جەتەكشىسى لەليا ۋزدەنوۆا, تاجىك ەتنومادەني بىرلەستىگىنىڭ جەتەكشىسى اليجون مۋللادجانوۆ, جامبىل وبلىسى قازاقستان حالقى اسسامبلەياسىنىڭ جانىنداعى «اق جەلكەن» جاستار ليگاسىنىڭ توراعاسى زاينۋددين ماحۋسەەۆ قاتىستى.
جيىن بارىسىندا قحا مۇشەلەرى پارلامەنت ءماجىلىسىنىڭ سايلاۋىن, بارلىق دەڭگەيدەگى ءماسليحات سايلاۋىن وتكىزۋ تۋرالى ەلباسىنىڭ شەشىمىنە قولداۋ ءبىلدىردى. قازاقستاندىقتاردى سايلاۋعا بەلسەندى تۇردە قاتىسۋعا شاقىردى.
«سايلاۋدى مەرزىمىنەن بۇرىن وتكىزۋ شەشىمى «100 ناقتى قادام» ۇلت جوسپارىن ىسكە اسىرۋدىڭ ءتيىمدى جولى بولىپ تابىلادى», دەدى ءوز سوزىندە قاراشاي-بالقار ەتنومادەني بىرلەستىگىنىڭ جەتەكشىسى لەليا ۋزدەنوۆا.
ەتنومادەني بىرلەستىكتەر جامبىل وبلىسىنىڭ قحا ۇيىمداستىرعان ءىس-شارالاردا بەلسەندى قاتىسادى. بريفينگ بارىسىندا «ۇلكەن ەل – ۇلكەن وتباسى» جوباسىن ىسكە اسىرۋداعى مىندەتتەر مەن ماقساتتار, ەتنومادەني بىرلەستىكتەر مەن «اق جەلكەن» جاستار ليگاسىنىڭ 2015 جىلعى جۇمىستارى ايتىلدى.
«جاڭا قازاقستاندىق پاتريوتيزم – كوپ ۇلتتىق پەن كونفەسسيونالدى قوعامنىڭ جەڭىسىنىڭ نەگىزى بولىپ تابىلادى. «اق جەلكەن» جاستار ليگاسىنىڭ كەڭەسىندە 10-نان اسا جاستار قاناتى بار. جاستار ليگاسىنىڭ ءار كوشباسشىسى بەيبىتشىلىك پەن كەلىسىمدى نىعايتۋعا وزىندىك ۇلەسىن قوسۋدا», دەپ قورىتىندىلادى «اق جەلكەن» جاسترا ليگاسىنىڭ توراعاسى زاينۋددين ماحۋسەەۆ.
ورالحان ءداۋىت.
دەرەك: egemen.kz
سۋرەت: ortcom.kz