تاراز. 2 اقپان. تاراز قالالىق ءىىب جپق قىزمەتكەرلەرى قوعامدىق كولىكتە قالتا ۇرلىعىنىڭ الدىن الۋ ماقساتىندا جەدەل- پروفيلاكتيكالىق ءىس-شارا جۇرگىزدى. بۇل تۋرالى egemen.kz ءتىلشىسى حابارلادى.
ءىس-شارا بارىسىندا 1997 جىلى تۋىلعان ن. ەسىمدى ازاماتشا ارىزداندى. ونىڭ ايتۋىنشا, №40 باعىتتاعى قوعامدىق اۆتوكولىكتە ونىڭ كۇرتەشەسىنىڭ قالتاسىنان «سامسۋنگ گالاكسي ا-3» ماركالى ۇيالى تەلەفونىن ۇرلاپ كەتكەن.
بۇل قىلمىس بويىنشا پوليتسيا قىزمەتكەرلەرى جۇرگىزگەن جەدەل- ىزدەستىرۋ ءىس-شاراسى ناتيجەسىندە 1967 جىلى تۋعان وبلىس ورتالىعىنىڭ جەرگىلىكتى تۇرعىنىن ۇستادى.
«اتالمىش قىلمىس بويىنشا تاراز قالالىق ءىىب 3-پب قىزمەتكەرلەرى قر قك – ءنىڭ 188-بابىنىڭ 1-تارماعىمەن قىلمىستىق ءىس قوزعادى. قازىرگى تاڭدا سوتقا دەيىنگى الدىن الا تەرگەۋ جۇمىستارى جۇرگىزىلۋدە», دەيدى تاراز قالالىق ءىىب جپپب كومانديرى, پوليتسيا مايورى باقىتجان جولداسبەكوۆ.
ورالحان ءداۋىت.
دەرەك, سۋرەت: egemen.kz