استانا. 2 اقپان. يسپانيالىق مامان حوسەپ گۆارديولا كەلەسى ماۋسىمنان باستاپ انگليانىڭ «مانچەستەر سيتي» كومانداسىن جاتتىقتىرادى. بۇل تۋرالى eurosport.ru سايتىنا سىلتەمە جاساعان egemen.kz ءتىلشىسى حابارلادى.
اعىلشىن كلۋبى سوڭعى اپتالاردا گۆارديولامەن ورتاق كەلىسىمگە كەلىپ, ءۇش جىلدىق كەلىسىمشارتقا وتىرعانى جونىندە رەسمي مالىمدەدى. كلۋب باسشىلىعى ترانسفەر ۋاقىتىندا جاڭا ويىنشىلار ساتىپ الۋ ءۇشىن كەمىندە 198 ميلليون ەۋرو بولەدى. ال جاتتىقتىرۋشىنىڭ جىلدىق جالاقىسى 26,5 ميلليون ەۋرونى قۇرايدى.
ايتا كەتەيىك, حوسەپ گۆارديولا قازىرگى كەزدە نەمىستىڭ «باۆاريا» كومانداسىن جاتتىقتىرادى. كلۋب باسشىلىعى تاجىريبەلى مامانمەن كەلىسىمشارت مەرزىمىن ۇزارتقىسى كەلگەنىمەن, يسپانيالىق جاتتىقتىرۋشى انگلياعا بارۋدى ءجون سانادى.
ايان ءابدۋالي.
دەرەك: eurosport.ru.
سۋرەت: news.sportbox.ru.