قاراعاندى. 2 اقپان. قاراعاندى وبلىسىنىڭ جاڭاارقا اۋدانىندا «ماقسات» شارۋا قوجالىعىنىڭ باسشىسى تۋعان اۋىلىنا سپورت كەشەنىن سالىپ بەردى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تۇگىسكەن اۋىلىندا بوي كوتەرگەن سپورت كەشەنىنىڭ قۇرىلىسىن «ماقسات» شارۋا قوجالىعىنىڭ باسشىسى قايرات كوپباەۆ قارجىلاندىرعان. جوبانىڭ قۇنى – 110 ميلليون تەڭگە.
جاڭا سپورت كەشەنىندە اۋىل تۇرعىندارى ۆولەيبول, باسكەتبول, شاعىن فۋتبول جانە كۇرەسپەن اينالىسا الادى. جاتتىعۋ زالى زاماناۋي سپورتتىق قۇرال-جابدىقتارمەن قامتاماسىز ەتىلگەن.
قايرات كوپباەۆ باسقارىپ وتىرعان «ماقسات» شارۋا قوجالىعى قازاقتىڭ اقباس سيىرلارىنىڭ ەتتى تۇقىمىن ءوسىرىپ-باعۋمەن اينالىسادى. بۇگىنگى كۇندە شارۋاشىلىقتا وتىزعا تارتا ادام جۇمىس ىستەيدى.
قايرات ءابىلدينوۆ.
دەرەك, سۋرەت: قاراعاندى وبلىس اكىمىنىڭ ءباسپاسوز قىزمەتى.