قوستاناي. 2 اقپان. قوستانايدا قاريا تۋعان قىزىمەن بولعان داۋ-جانجالدان كەيىن, ءوزىن ورتەپ جىبەرگەن. بۇل تۋرالى egemen.kz ءتىلشىسى حابارلادى.
قوستاناي قالالىق اۋرۋحاناسىنىڭ باس دارىگەرى سامات شۇمەنباەۆتىڭ ايتۋىنشا, 67 جاستاعى زەينەتكەردىڭ دەنەسىنىڭ 90 پايىزىن كۇيىك شالعان. ول اۋرۋحانانىڭ جان ساقتاۋ بولىمىندە ءبىر كۇن جاتىپ, 30 قاڭتار كۇنى قايتىس بولدى.
زەينەتكەر قىزىمەن كەلىسپەي قالعاننان كەيىن ۇستىنە بەلگىسىز سۇيىقتىقتى قۇيىپ, وت تۇتاتىپ جىبەرگەن. قازىر مارقۇمنىڭ قىزىنا قىلمىستىق كودەكستىڭ 105-بابى بويىنشا «وزىنە قول جۇمساۋعا ماجبۇرلەدى» دەگەن ايىپ تاعىلىپ, سوتقا دەيىنگى تەرگەۋ ءىسى باستالدى.
ءنازيرا جارىمبەتوۆا.
دەرەك, سۋرەت: egemen.kz.