پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي رۋمىنيا پارلامەنتى وكىلدەر پالاتاسىنىڭ دەپۋتاتى يوناش-فلورين ۋركانمەن كەزدەستى, دەپ حابارلادى قازاقستان پارلامەنتى سەناتىنىڭ ءباسپاسوز قىزمەتى.
كەزدەسۋ بارىسىندا سەناتور قازاقستاننىڭ شىعىس ەۋروپا جانە بالقانداعى ماڭىزدى ارىپتەسى بولىپ تابىلاتىن رۋمىنيامەن قارىم-قاتىناستى دامىتۋعا زور ءمان بەرىلەتىنىن اتاپ ءوتتى.
تاراپتار ەكىجاقتى پارلامەنتارالىق ىنتىماقتاستىقتى تەرەڭدەتۋدىڭ كەلەشەگىن تالقىلادى جانە قازاقستان-رۋمىنيا پارلامەنتتىك دوستىق توپتاردىڭ قىزمەتىن ۇدەتۋ تۋرالى پىكىر الماستى.