پەتروپاۆل. 1 اقپان. رەسەيدىڭ استراحان وبلىسىندا جۇمىس ىستەيتىن قىزىل ىزشىلدەر سولتۇستىكقازاقستاندىق ارىپتەستەرىنە ارنايى حات جازىپ, مايدان دالاسىندا سۇيەگى تابىلىپ, اتى-ءجونى انىقتالعان پروكوپي ترەتياكوۆ ەسىمدى مايدانگەردىڭ تۋىستارىن ىزدەپ تابۋعا كومەكتەسۋدى وتىنگەن. بۇل تۋرالى پەتروپاۆلداعى «ىزدەۋ» («پويسك») وتريادىنا سىلتەمە جاساعان egemen ءتىلشىسى حابارلادى.
پروكوپي ترەتياكوۆ – قىزىلجار ءوڭىرىنىڭ تۋماسى. 1922 جىلى تۋعان. ارميا قاتارىنا بۋلاەۆ اۋدانى (قازىرگى ماعجان جۇماباەۆ) مالينوۆكا اۋىلىنان شاقىرىلعان. 1942 جىلى حابارسىز كەتكەن.
بىلتىر جەڭىستىڭ 70 جىلدىعى قارساڭىندا رەسەيلىك قىزىل ىزشىلدەر قاندى شايقاستار وتكەن حۋلحۋتا ەلدى مەكەنىنىڭ ماڭايىن قازۋ بارىسىندا 12 قازاقستاندىق جاۋىنگەردىڭ سۇيەگىن تاۋىپ, اتى-جوندەرىن ناقتىلاعان. سولاردىڭ ءبىرى پروكوپي ترەتياكوۆتىڭ تۋىستارىنا ىزدەۋ سالىپ, تەرىسكەيدەگى ارىپتەستەرىنە ءوتىنىش جولداپتى. تۋىستارى تابىلىپ جاتسا, جەكە زاتتارىن تابىستاۋعا ۋادە بەرىپ, مەكەن-جايلارى مەن تەلەفوندارىن قالدىرعان.
ءومىر ەسقالي.
دەرەك: «ىزدەۋ» وتريادى.
سۋرەت: express-k.kz.