الماتى. 1 اقپان. بۇگىن كەشكە الماتىداعى «مەگا» ويىن-ساۋىق-ساۋدا ورتالىعىنىڭ Chaplin Cinemas كينوزالىندا تولىقمەتراجدى «مەزەت نەمەسە جاي عانا ءومىر» كوركەم ءفيلمىنىڭ تۇساۋكەسەرى وتەدى. بۇل تۋرالى egemen.kz ءتىلشىسى حابارلادى.
«مەزەت نەمەسە جاي عانا ءومىر» ءفيلمى – بۇل رەسپۋبليكاداعى ەڭ جاس رەجيسسەرلەردىڭ ءبىرى, قازاق ۇلتتىق ونەر ۋنيۆەرسيتەتىنىڭ ستۋدەنتى اقجول ءابىلوۆتىڭ دەبيۋتتىك جۇمىسى ەكەندىگىن ايتا كەتكەن ءجون.
فيلمدەگى باستى ءرولدى تانىمال اكتەر نۇرجان سادىبەكوۆ وينايدى. ودان وزگە باس كەيىپكەرلەر قاتارىندا نۇرجان تۇتوۆ, گۇلباحرام بايبوسىنوۆا, المات ساقاتوۆ, ەردەن تەلەمىسوۆ, ازات سەيتمەتوۆ سىندى بەلگىلى اكتەرلەر بار.
جاڭا وتاندىق كينوكارتينا كوپشىلىككە اسا تانىمال ەمەس بىرقاتار جاستاردىڭ ونەرگە دەگەن وزىندىك جولداماسى بولماق. شىنايى وقيعاعا قۇرىلعان ستسەناري ارداق قارىقبولوۆامەن بىرلەسىپ جازىلعان.
ءفيلمنىڭ تۇساۋكەسەر سالتاناتىنا اقپارات قۇرالدارى وكىلدەرىنەن باسقا, مادەنيەت, سپورت سالاسىنداعى قوعام قايراتكەرلەرى, اكتەرلەر قاتىسادى دەپ كۇتىلۋدە.
تۇساۋكەسەر بارىسىندا فيلم اۆتورلارى ستسەناري قۇرۋ, ۇردىسكە قاجەتتى قۇرالدار, تەحنيكا جانە تۇسىرىلەتىن ەلدى-مەكەندەر ىزدەگەنى جونىندە اسەرلى اڭگىمەلەرىمەن بولىسپەك. سونداي-اق, جۇمىس كەستەسىنىڭ تىعىزدىعىنا قاراماستان, نۇرجان سادىبەكوۆ باستى ءرولدى ماردىمسىز اقىعا ويناۋعا نەلىكتەن كەلىسكەندىگى جايلى بايانداپ بەرەدى.
ايناش ەسالي.
دەرەك: egemen.kz.
سۋرەت: brod.kz.