الماتى. 27 قاڭتار بۇگىن 5-ءشى شاقىرىلعان قالالىق ءماسليحاتتىڭ 50-ءشى سەسسياسى قالانىڭ 2016 جىلعا ارنالعان بيۋدجەتىن ءبىراۋىزدان بەكىتتى. بۇل تۋرالى egemen.kz ءتىلشىسى حابارلادى.
ەكونوميكا جانە بيۋدجەتتى جوسپارلاۋ باسقارماسىنىڭ جەتەكشىسى ماقسات قيقىموۆ دەپۋتاتتار بەكىتكەن 370 ميلليارد 215 ميلليون تەڭگەنىڭ قازىرگى تاڭدا 5,3 ميللياردى الەۋمەتتىك از قامتىلعان توپتىڭ مۇددەسىنە جۇمسالاتىنىن ايتتى. ناننىڭ 10 تەڭگەگە قىمباتتاۋىنا بايلانىستى قوسىمشا جەڭىلدىك شارالارى قاراستىرىلۋدا. قالاداعى كەپتەلىسكە قاتىستى جول قوزعالىسىن جەڭىلدەتۋ ءۇشىن ارنايى كەشەندى سحەمالىق جوبا جاساۋعا عانا 300 ميلليون تەڭگە ءبولىنىپ وتىر.
سونداي-اق 2016 جىلدىڭ 1 ناۋرىزىنان باستاپ دەپۋتاتتار قالا اكىمدىگىنىڭ قوعامدىق كولىكتەر بويىنشا جەڭىلدەتىلگەن ايلىق جول ءجۇرۋ بيلەتىن ەنگىزۋ تۋرالى شەشىمىن ماقۇلدادى. بۇدان بىلاي مەكتەپ جاسىنداعى بالالاردىڭ ءبىر ايلىق جول ءجۇرۋ بيلەتى 1000 تەڭگە, زەينەتكەرلەر ءۇشىن 2000 تەڭگە بولىپ بەكىتىلدى. كوپ بالالى انالارعا 50 پايىز جەڭىلدىك بەرىلەدى (2000 تەڭگە). ال, 1-2 توپتاعى مۇگەدەكتەر جانە ۇلى وتان سوعىسىنىڭ ارداگەرلەرى تەگىن جۇرەتىن بولادى.
تالعات ءسۇيىنباي.
دەرەك, سۋرەت: egemen.kz.