قاراعاندى. 26 قاڭتار. تەمىرتاۋ قالاسىندا پوليتسيا قىزمەتكەرلەرى بالالارىن اۆتوكولىكتىڭ جۇكسالعىشىنا سالىپ تاسىعان جۇرگىزۋشىنى تاپتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەسكە سالساق, وسىدان ءبىراز كۇن بۇرىن ەكى ەر بالانى Mercedes ماركالى ءاۆتوموبيلدىڭ جۇكسالعىشىنان ءتۇسىرىپ جاتقان بەلگىسىز جۇرگىزۋشى تۋرالى بەينەكورىنىس الەۋمەتتىك جەلىلەردە ءتۇرلى پىكىر تۋدىرىپ, قىزۋ تالقىلانعان بولاتىن.
تاياۋدا پوليتسيا قىزمەتكەرلەرى ورتالىق جەدەل باسقارۋ كامەرالارىنىڭ كومەگىمەن اتالعان اۆتوكولىك يەسىن تاپتى. ول تەمىرتاۋ قالاسىنىڭ 42 جاستاعى تۇرعىنى بولىپ شىقتى.
ءتارتىپ ساقشىلارى بەينەروليك «قاھارمانىنا» قاتىستى بەس ايلىق ەسەپتىك كورسەتكىش مولشەرىندە ايىپپۇل سالۋدى كوزدەيتىن اكىمشىلىك حاتتاما تولتىردى.
قايرات ءابىلدينوۆ.
دەرەك, سۋرەت: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.