استانا. 26 قاڭتار. كۋبا 2015 جىلى 3,5 ميلليوننان استام شەتەلدىك ساياحاتشىلاردى قابىلداپ, جاڭا كورسەتكىشكە قول جەتكىزدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ۇلتتىق بيۋرو 3 ميلليون 524 مىڭ 779 شەتەلدىك تۋريستەر كەلگەنىن مالىمدەدى. اتالعان ەلگە كوبىنە كانادا, گەرمانيا, فرانتسيا, ۇلىبريتانيا, يتاليا جانە يسپانيا ەلدەرىنەن دەمالۋشىلار ءجيى كەلەدى. ال لاتىن امەريكاسىنان مەكسيكا جانە ۆەنەسۋەلا مەملەكەتتەرى كۋباعا بارعاندى ءجون كورەدى.
سوڭعى كەزدەرى جاپونيادان, گايتي ارالىنان, يرلانديا جانە پولشا مەملەكەتتەرىنەن كەلۋشىلەر سانى ارتتى. سونداي-اق, ارنايى 12 رۇقساتناماعا بايلانىستى امەريكا ازاماتتارى دا ءجيى كەلەدى.
ساياحاتشىلار ءۇشىن كۋبادا جالپى سانى 62 مىڭ ورىندى قوناق ۇيلەر قىزمەت ەتەدى. ونىڭ 60 پايىزى شەتەلدىك كومپانيالاردىڭ يەلىگىندە. 16 پايىزىنا ارنايى بىرىككەن كاسىپورىندار باسشىلىق ەتەدى. ال ەلدىڭ تۋريزم ءمينيسترى 2020 جىلعا قاراي مەملەكەتكە قاراستى 85 مىڭ ورنى بار قوناق ۇيلەر سالۋدى جوسپارلاپ وتىر.
ايان ءابدۋالي.
دەرەك, سۋرەت: تاسس.