استانا. 26 قاڭتار. بوليۆيانىڭ استاناسى لا-پاس قالاسىنا تاياۋ ماڭداعى يۋنگاس ايماعىندا پەرۋ مەملەكەتىنىڭ «ەلەگانسيا» وركەستر توبى مىنگەن اۆتوبۋس جاردان قۇلاپ, 9 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
پوليتسيا قىزمەتكەرلەرىنىڭ ايتۋىنشا, 100 مەتر بيىكتىكتەن قۇلاعان اۆتوبۋس ىشىندە 13 مۋزىكانت بولعان. ولاردىڭ تورتەۋى اۋىر جاراقات الىپ, لا-پاس قالاسىنداعى اۋرۋحانالاردىڭ بىرىنە جاتقىزىلدى. قۇتقارۋشىلار توبى قازا تاپقانداردىڭ دەنەسىن ىزدەۋگە كىرىستى.
اپاتتىڭ سەبەبى ازىرگە بەلگىسىز. ماماندار كولىك جۇرگىزۋشىسى جول ەرەجەسىن ساقتاماي, جوعارى جىلدامدىقپەن جۇرگەن. ارنايى قويىلعان توسقاۋىلدى سوعىپ ءوتىپ, بيىك جاردان قۇلاعان دەگەن بولجام جاسادى. ايماق تۇرعىندارى اتالعان جەردە جول اپاتتارى ءجيى بولاتىندىقتان «ءولىم جولى» دەگەن اتاۋ بەرگەن.
ايتا كەتەيىك, بوليۆيادا جىلىنا ورتاشا كورسەتكىش بويىنشا, 1 مىڭعا جۋىق ادام جول-كولىك وقيعاسىنان مەرت بولسا, 40 مىڭنان استامى ءتۇرلى جاراقات الادى.
ايان ءابدۋالي.
دەرەك: تاسس.
سۋرەت: ria.ru.