جامبىل وبلىسىنداعى تىكۇشاق اپاتىنا كىنالى انىقتالدى

تاراز. 25 قاڭتار. جامبىل وبلىسىندا تىكۇشاقتىڭ قۇلاۋ فاكتىسى بويىنشا ارنايى كوميسسيا قۇرىلدى. بۇل تۋرالى egemen.kz ءتىلشىسى حابارلادى. جامبىل وبلىسىندا مي-2 تىكۇشاعىنىڭ قۇلاۋ سالدارىنان زارداپ شەككەن ۇشقىشتىڭ ەسىمى بەلگىلى بولدى. ول تىكۇشاق تيەسىلى كومپانيا ديرەكتورى ۆالەري ميحين  ەكەندىگى انىقتالدى. ەستەرىڭىزگە سالا كەتەيىك, بۇل «تاراز جاڭا الەم» كومپانياسى بولاتىن. سونىمەن قاتار ءبىزدىڭ تىلشىمىزگە بەلگىلى بولعانداي, زارداپ شەككەن ازامات قازىرگى كەزدە جان ساقتاۋ بولىمىندە جاتىر. «ناۋقاستىڭ ءحالى ناشار. ول شوك العان. قازىرگى كەزدە بارلىق كەرەكتى ءىس شارالار جاسالۋدا»,  دەپ مەديتسينالىق مەكەمەدەگىلەر ماعلۇمات بەردى. ەستەرىڭىزگە سالا كەتەيىك, 23 قاڭتاردا كەشكىسىن, بولجاممەن جامبىل وبلىسى, تۇرار رىسقۇلوۆ اۋدانى تىكۇشاقتىڭ قۇلاعىندىعى جونىندە اقپارات تۇسكەن بولاتىن. ارتىنشا بۇل اقپارات راستالدى. سونىمەن قاتار بەلگىلى بولعان تاعى ءبىر جايت, جامبىل وبلىسىندا تىكۇشاق اپاتقا ۇشىراعان جەردە قۇتقارۋشىلار جۇمىس جاساۋدا. ورالحان ءداۋىت. دەرەك, سۋرەت: egemen.kz