تاراز. 25 قاڭتار. جامبىل وبلىسىنداعى ت. رىسقۇلوۆ اۋدانى ورتالىعىنان 100 شاقىرىم قاشىقتىقتا مي-2 تىكۇشاعى اپاتقا ۇشىرادى. اپات سالدارىنان 1 ادام زارداپ شەكتى. بۇل تۋرالى قر ءىىم توتەنشە جاعدايلار جونىندەگى كوميتەتىنىڭ ارنايى وكىلى رۋسلان يمانقۇلوۆ حابارلادى.
«وقيعا تۇرار رىسقۇلوۆ اۋدانىنداعى سادىحان قىستاۋىنان ءۇش شاقىرىم قاشىقتىقتا بولعان. توتەنشە وقيعا جايلى حابارلاما 112 تەلەفونىنا 23 قاڭتاردا كەشكى ۋاقىتتا كەلىپ تۇسكەن.
وقيعا ورنىنا تۇرار رىسقۇلوۆ اۋدانىنىڭ تج جونىندەگى اۋداندىق ءبولىمىنىڭ جانە جامبىل وبلىسىنىڭ تج جونىندەگى دەپارتامەنتىنىڭ قىزمەتكەرلەرى اپات-قۇتقارۋ ىزدەستىرۋ جۇمىستارىن جۇرگىزۋ ءۇشىن دەرەۋ جىبەرىلدى. 20.30-دا وقيعا ورنىنا مەديتسينالىق قىزمەت كورسەتۋ ءۇشىن جەدەل جاردەم بريگاداسى جونەلتىلدى. زارداپ شەككەندەر جايلى مالىمەت انىقتالىپ جاتىر جانە قوسىمشا حابارلانادى. جاعداي جامبىل وبلىستىق تجد-نىڭ باقىلاۋىندا. ىزدەستىرۋ-قۇتقارۋ جۇمىستارىن جۇرگىزۋ بويىنشا جەدەل شتاب قۇرىلدى", دەپ حابارلادى يمانقۇلوۆ.
اپاتتىڭ سەبەبىن ارنايى قۇرىلعان كوميسسيا انىقتايدى. كەيىنىرەك تىكۇشاقتى باسقارعان ۇشقىش ەكىنشى دارەجەلى كۇيىك العان دەگەن دياگنوزبەن تاراز قالاسىنداعى №1 اۋرۋحاناعا جەتكىزىلگەنى ءمالىم بولدى.
ورالحان ءداۋىت.
دەرەك, سۋرەت: egemen.kz