استانا. 25 قاڭتار. ۇلىبريتانيا بيلىگى جانە Microsoft كومپانياسىنىڭ نەگىزىن قالاۋشىسى بيلل گەيتس پەن جۇبايى مەليندا گەيتس بەزگەك اۋرۋىنا قارسى كۇرەس ءۇشىن الداعى 5 جىل كولەمىندە بىرىگىپ, 4,5 ميلليارد دوللار قارجى بولەدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ءبىز تروپيكالىق اۋرۋلاردان, بەزگەك ىندەتىنەن, سونداي-اق, ادام ومىرىنە قاۋىپتى سىرقاتتاردان ارىلىپ, الەمدى گۇلدەندىرە الامىز دەگەن ويدامىز», – دەيدى بىرلەسىپ جازىلعان حاتتا.
الداعى 5 جىل كولەمىندە جىل سايىن 715 ميلليون دوللار كولەمىندەگى قارجى بريتاندىق عالىم رونالد روسستىڭ اتىنداعى فوندقا اۋدارىلادى. ايتا كەتەيىك, اعىلشىن عالىمى بەزگەك اۋرۋىن تاراتاتىن جاندىكتىڭ ماسا ەكەنىن انىقتاعانى ءۇشىن 1902 جىلى نوبەل سىيلىعىن يەلەندى.
ۇلىبريتانيانىڭ قارجى ءمينيسترى دجوردج وسبورن بەزگەك ارۋىنان ءاربىر مينۋت سايىن جەر بەتىندە ءبىر ءسابي كوز جۇماتىنىن مالىمدەدى. دەگەنمەن سوڭعى 15 جىل ىشىندە بۇل كورسەتكىش ەكى ەسەگە ازايدى.
ايان ءابدۋالي.
دەرەك: تاسس.
سۋرەت: hi-news.ru.