استانا. 25 قاڭتار. ءۇندىستاننىڭ سولتۇستىگىندە نيۋ-دەلي قالاسىنا تاياۋ ماڭدا ءىرى جول اپاتى بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ايگىلى ءتاج ماحال كەسەنەسىنىڭ ماڭايىندا ءبىر مەزەتتە 50 كولىك سوقتىعىسىپ, 1 ادام قازا تاپتى. سونداي-اق, 26 ادام ءتۇرلى دەنە جاراقاتىن الدى. ولار جاقىن جەردەگى اۋرۋحانالارعا جەتكىزىلدى.
ءتارتىپ ساقشىلارىنىڭ ايتۋىنشا, العاش بولىپ سوقتىعىسقان جەڭىل اۆتوكولىك پەن جۇك كولىگى كەيىنگىلەرىنە اسەر ەتكەن. ماماندار اپاتتىڭ باستى سەبەبى, تۇماننىڭ سالدارىنان بولدى دەگەن شەشىم شىعاردى. وقيعا ورنىندا پوليتسيا قىزمەتكەرلەرى تەرگەۋ جۇمىستارىن جۇرگىزۋ ۇستىندە.
ايتا كەتەيىك, ءۇندىستان جول اپاتىنان قازا تابۋشىلار كورسەتكىشى بويىنشا, الەمدە ءبىرىنشى ورىندا تۇر. بۇل مەملەكەتتە جىلىنا 200 مىڭعا جۋىق ادام جول-كولىك وقيعاسىنىڭ قۇربانى بولادى.
ايان ءابدۋالي.
دەرەك: تاسس.
سۋرەت: trend.az.