استانا. 25 قاڭتار. 27 قاڭتار كۇنى «شالقار» راديوسى مەن «الاۋ» مۇز ايدىنى سارايىنىڭ ۇيىمداستىرۋىمەن العاش رەت باق وكىلدەرى اراسىندا كونكيمەن جۇگىرۋدەن جارىس وتەدى. بۇل تۋرالى egemen.kz ءتىلشىسى حابارلادى.
سپورتتىق شارا قازاقستان رەسپۋبليكاسى تاۋەلسىزدىگىنىڭ 25 جىلدىعى, «شالقار» راديوسىنىڭ 50 جىلدىعى جانە «الاۋ» مۇز ايدىنى سارايىنىڭ 5 جىلدىق مەرەيتويلارىنا وراي ۇيىمداستىرىلىپ وتىر. جارىس «الاۋ» مۇز ايدىنى سارايىندا ساعات 12:00-دە باستالادى. جەڭىمپازدار قوماقتى سىيلىقتارمەن ماراپاتتالادى.
بىلتىر استانادا العاش رەت جۋرناليستەر اراسىندا «قازكونتەنت» اق ۇيىمداستىرۋىمەن اسىق اتۋدان جارىس وتكەن بولاتىن. مۇنىڭ الدىندا استانالىق ساياباقتا شاڭعىدان سايىس ءوتتى. سودان كەيىن «دۋمان» ويىن-ساۋىق ورتالىعى بوۋلينگتەن تۋرنير وتكىزدى. قازىر كونكي تەبۋدەن جارىس وتكىزۋدى قولىنا قالام مەن ميكروفون ۇستاعان ارىپتەستەرىمىزدىڭ بارلىعى قولداپ وتىر.
داستان كەنجالين.
دەرەك: قازاقستان رەسپۋبليكاسى مادەنيەت جانە سپورت مينيسترلىگى, «شالقار» راديوسى.
سۋرەت: egemen.kz