استانا. 25 قاڭتار. 19132 اسكەري ءبولىمىنىڭ اۆياتسيالىق بازاسىندا قازاقستان اسكەري-اۋە كۇشتەرىنىڭ جاس ۇشقىشتارى العاش رەت ساپتىق بولىمدەردە ۇشۋعا كىرىستى. بۇل تۋرالى egemen.kz ءتىلشىسى حابارلادى.
ەكيپاج كومانديرىنىڭ كومەكشىلەرى رەتىندە مي-17ۆ-5 پەن «ەۋروكوپتەر» ەس-145 تىكۇشاقتارىندا العاشقىلاردىڭ ءبىرى بولىپ لەيتەنانت ارمان قارابالين مەن ءمادي اقارىس كوك اسپانعا قالقىدى.
«مەنىڭ ماقساتىم اسكەري-اۋە كۇشتەرىنىڭ لايىقتى ۇشقىشى جانە ەگەمەندى ەلىمىزدىڭ اۋە كەڭىستىگىن كۇزەتۋ», دەپ ويىمەن ءبولىستى مي-17 بۋىنىنىڭ ۇشقىشى لەيتەنانت ارمان قارابالين.
«مەن وسى اسكەري بولىمدە, وتانىمىزدىڭ ەلورداسىندا قىزمەت اتقارىپ جۇرگەنىمە قۋانىشتىمىن. ۇشقىش بولۋ بالا كەزىمدەگى ارمانىم بولاتىن. تالىمگەرلەرىم مەن كومانديرلەرىمنىڭ ۇكىلەگەن ۇمىتتەرىن اقتاي الاتىنىما سەنىمدىمىن», دەپ ەس-145 بۋىنىنىڭ ۇشقىشى لەيتەنانت ءمادي اقارىس ءسوزىن تولىقتىردى.
جاقىندا عانا 2015 جىلدىڭ قازانىندا بۇل بوزبالالار ت.بيگەلدينوۆ اتىنداعى كەڭەس وداعىنىڭ ەكى مارتە باتىرى اۋە قورعانىسى كۇشتەرىنىڭ اسكەري ينستيتۋتىن ءبىتىردى. جاس ۇشقىش وفيتسەرلەر رەتىندە قازاقستان ااك-ءنىڭ اۆياتسيالىق بازاسىنا كەلدى. بىلىكتى ۇشقىشتار رەتىندە بوزبالالاردىڭ العاشقى ۇشۋلارىنا جەرۇستى دايىندىق پەن رۇقسات الۋ ءۇشىن سىناق تاپسىرۋ نەگىز بولدى.
اۋە قورعانىسى كۇشتەرى باس قولباسشىسىنىڭ باسقارماسىندا ايتىپ وتكەندەي, جاس ۇشقىشتاردىڭ مۇنداي سەرپىلىسى اۆياتورلاردىڭ جاس بۋىنىنىڭ اۋەگە جىلدام قالقىپ ۇشۋىنا, كۇردەلى ۇشۋ كاسىبىنىڭ بارلىق بۇگە-شىگەسىن مەڭگەرۋىنە جانە جاۋىنگەرلىك تاپسىرمالاردى ورىنداۋعا بىلەك سىبانا كىرىسۋگە تالپىنعاندارىن كورسەتەدى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.