استانا. 25 قاڭتار. قازاقستاننىڭ قۇزعا ورمەلەۋشىلەرى, ارميا ورتالىق سپورت كلۋبىنىڭ اسكەري قىزمەتشىلەرى كىشى سەرجانتتار ارتەم مەن نيكيتا دەۆياتەريكوۆتار وقۋ-جاتتىقتىرۋ جيىنىنا قاتىسۋدا. جاتتىقتىرۋلار الەمدەگى قۇزعا ورمەلەۋگە ارنالعان ەڭ تانىمال ورىنداردىڭ ءبىرى – تايلاندتاعى كرابي قالاسىنىڭ تونساي ارالىندا ءوتىپ جاتىر. بۇل تۋرالى egemen.kz ءتىلشىسى حابارالدى.
سپورتشىلارىمىز قازاقستاننىڭ قۇراماسىندا جاتتىعۋدا. ءبىر ايلىق وقۋ-جاتتىقتىرۋ جيىنىندا ارمياشىلارىمىز باستىسى 8 (ا)-دان باستاپ 8(س)-عا دەيىنگى ساناتتا نەعۇرلىم كۇردەلى باعدارلاردى ءوتۋدى قالايدى. «بۇگىنگى تاڭدا سپورتشىلار جيىن تاپسىرماسىن 50 پايىزعا ورىندادى», دەپ ارميا ورتالىق سپورت كلۋبىندا اتاپ ءوتتى.
كىشى سەرجانت اعايىندىلار ارتەم مەن نيكيتا دەۆياتەريكوۆتار حالىقارالىق دارەجەدەگى سپورت شەبەرلەرى. ولار الماتىداعى «UP&UP» – 2015 قىسقا, كۇردەلى تاس جولدار سەرياسىمەن بوۋلدەرينگ – قۇزعا ورمەلەۋدەن حالىقارالىق جارىستاردا جاقسى ونەر كورسەتۋىنىڭ ارقاسىندا جيىنعا قاتىسۋعا مۇمكىندىك الدى. كۇردەلى تاس جولداردى ەڭسەرە وتىرىپ, سپورتشىلار سايىستىڭ مىقتى قاتىسۋشىلارىنىڭ ءبىرى رەتىندە تايلاندتا وتەتىن جيىنعا جولداما الدى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.