اتىراۋ. 25 قاڭتار. اتىراۋدا جانار ماي تاسىمالدايتىن «كاماز» كولىگىنىڭ 30 توننالىق بوشكەسى دانەكەرلەۋ كەزىندە جارىلىپ, جۇرگىزۋشى وقيعا ورنىندا قازا تاپتى. بۇل تۋرالى egemen.kz ءتىلشىسى حابارلادى.
وقىس وقيعا اتىراۋ قالاسىنا تاياۋ ورنالاسقان گەولوگ-2 ەلدىمەكەنىندە بولدى. وعان «كامااز» كولىگىنىڭ 30 توننالىق بوشكەسىن دانەكەرلەۋ جۇمىسى سەبەپ بوعان. دانەكەرلەۋدى كولىك جۇرگىزۋشىسىنىڭ ءوزى جاساعان. الايدا, بوشكەدەگى گاز-اۋا قوسپاسى جارىلىپ, قىزىل جالىنعا ۇلاسقان. وقيعا ورنىنا شۇعىل جەتكەن جەكە قۇرامداعى 7 ءورت ءسوندىرۋشى 2 تەحنيكانىڭ كومەگىمەن ءورتتى جارتى ساعاتقا جۋىق ۋاقىتتا سوندىرگەن. كولىكتى جۇرگىزۋشى ءارى ءورتتىڭ شىعۋىنا سەبەپ بولعان دانەكەرلەۋ جۇمىسىن جاساعان ازاماتتىڭ 1962 جىلى تۋعانى انىقتالىپ وتىر.
جولداسبەك شوپەعۇل.
دەرەك, سۋرەت: egemen.kz.