استانا. 24 قاڭتار. قىتايدىڭ وڭتۇستىك-باتىسىندا يۋننان پروۆينتسياسىنا قاراستى لينتسان قالاسىندا جولاۋشىلار اۆتوبۋسى اپاتقا ۇشىراپ, ەكى ادام قازا تاپتى. سونداي-اق, 17 ادام ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
جول اپاتىنان زارداپ شەككەندەر جاقىن ماڭايداعى اۋرۋحانالاردىڭ بىرىنە جەتكىزىلدى. ولاردىڭ دەنساۋلىقتارى جايلى ناقتى اقپارات جوق.
«سينحۋا» اقپارات اگەنتتىگىنىڭ حابارلاۋىنشا, اۆتوبۋس پروۆينتسيانىڭ اكىمشىلىك ورتالىعىنان مەندين ەلدى-مەكەنىنە باعىت العان. اپاتتىڭ نەگىزگى سەبەبى ازىرگە بەلگىسىز. جەرگىلىكتى قۇقىق قورعاۋ ورگانىنىڭ قىزمەتكەرلەرى تەرگەۋ جۇمىستارىن جۇرگىزۋگە كىرىستى.
ايان ءابدۋالي.
دەرەك: تاسس.
سۋرەت: lifenews.ru.