كوكشەتاۋ. 24 قاڭتار. كوكشەتاۋدا «نۇر وتان» پارتياسى اقمولا وبلىستىق ساياسي كەڭەسىنىڭ كەڭەيتىلگەن وتىرىسى بولىپ ءوتىپ, وندا پارتيانىڭ سايلاۋالدى باعدارلاماسى جان-جاقتى تالقىلاندى. بۇل تۋرالى وبلىستىق بولىمشە ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
وتىرىستى وبلىستىق بولىمشە توراعاسىنىڭ ءبىرىنشى ورىنباسارى عالىم بەكماعامبەتوۆ اشىپ, جۇرگىزىپ وتىردى. ول ءوزىنىڭ كىرىسپە سوزىندە باعدارلامانىڭ پارتيا مۇشەلەرى مەن ۋاكىلەتتى ورگاندارداعى دەپۋتاتتاردىڭ جاقىن اراداعى بەس جىلداعى جۇمىستارىنىڭ ستراتەگياسى مەن تاكتيكاسىن انىقتاۋى كەرەك ەكەنىن ايتتى.
جيىندا ساياسي كەڭەس مۇشەسى يرينا جۋكوۆا, ا. مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ پرەزيدەنتى ساعىنتاي ەلۋباەۆ, قورعالجىن اۋدانى مادەنيەت جانە تىلدەردى دامىتۋ ءبولىمىنىڭ مەڭگەرۋشىسى نۇرلان شالعىنباەۆ, «قازاق ءتىلى جانە مادەنيەتى» قوعامدىق بىرلەستىگىنىڭ توراعاسى مەيرامبەك كيىكوۆ, پارتيا جانە ەڭبەك ارداگەرى, كوكشەتاۋ قالاسىنىڭ قۇرمەتتى ازاماتى زۋرا شۋاتاەۆا ءسوز سويلەپ, باعدارلامانى تولىق قولدايتىندارىن ءبىلدىردى.
وتىرىس بارىسىندا سونداي-اق قاڭتاردىڭ 29-ىندا استانا قالاسىندا وتەتىن «نۇر وتان» پارتياسىنىڭ كەزەكتەن تىس XVII سەزىنە دەلەگاتتار سايلاندى. ايماق اتىنان بۇلجيىنعا 37 پارتيا وكىلى قاتىساتىن بولدى.
باقبەرگەن امالبەك.
دەرەك, فوتو: «نۇر وتان» پارتياسى اقمولا وبلىستىق بولىمشەسىنىڭ ءباسپاسوز قىزمەتى.