قاراعاندى. 24 قاڭتار. قاراعاندىدا بەس قاباتتى تۇرعىن ۇيدە گاز بالونى جارىلىپ, ءۇش ادام ءتۇرلى دەنە جاراقاتىن الدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جارىلىس پيچۋگين كوشەسىندەگى كوپپاتەرلى ءۇيدىڭ ءتورتىنشى قاباتىندا بولدى. اپاتتىڭ سالدارىنان بولمەارالىق قابىرعا قۇلاپ تۇسكەن. گاز بالونى اتىلعان پاتەردە تۇراتىن ەرلى-زايىپتىلار كۇيىك جاراقاتىن الدى. سونداي-اق, كورشى ۇيدەگى 4 جاسار بالانىڭ قولى سىنعان. زارداپ شەككەندەر اۋرۋحاناعا جەتكىزىلدى. ال اپاتتى ءۇيدىڭ 15 تۇرعىنى قاۋىپسىز جەرگە كوشىرىلدى.
قايرات ءابىلدينوۆ.
دەرەك, سۋرەت: قاراعاندى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.