اقتوبە. 21 قاڭتار. «اقتوبە ءوڭىرىنىڭ مۋزىكالىق مۇراسى» اتتى اۋديوجيناق جارىققا شىقتى. اۋديوجيناقتىڭ العىسوزىن وبلىس اكىمى بەردىبەك ساپارباەۆ جازعان. جيناققا اقتوبە جەرىندە تۋعان, ءومىر سۇرگەن بەلگىلى اقىندار مەن حالىق كومپوزيتورلارىنىڭ شىعارمالارى ەنگەن. قازاق حاندىعىنىڭ 550 جىلدىعىنا وراي شىعارىلعان ءان مەن كۇي جيىنتىعىندا 12 سD ديسك بار. وعان 213 شىعارما ەنگىزىلگەن. بۇل تۋرالى egemen.kz ءتىلشىسى حابارلادى.
اقتوبە وبلىسى اكىمدىگىنىڭ, اقتوبە وبلىستىق مادەنيەت, مۇراعاتتار جانە قۇجاتتاما باسقارماسى مەن عازيزا جۇبانوۆا اتىنداعى وبلىستىق فيلارمونيانىڭ تاپسىرىسى بويىنشا شىعارىلعان جيناققا ەنگىزىلگەن تۋىندىلار كەمىندە ءۇش عاسىردى قامتيدى. انتولوگيانى شىعارۋشى پروديۋسەر, مادەنيەتتانۋشى البەرت ءسافۋلليننىڭ ايتۋىنشا, بۇل جيناقتى شىعارۋ ءۇشىن ەكى جىلداي ۋاقىت كەتكەن.
قازاق رۋحانياتىنىڭ ءبىر بولشەگى – اقتوبە ءوڭىرى دە مۋزىكالىق مۇراعا باي. داۋلەسكەر كۇيشى قازانعاپتان باستاپ, باتاقتىڭ سارىسى, قىزىل تۇردالى ۇلى, سارىشولاق شايىر, بوعدا قارا ۇلى, ۇسەن تورە, تارازى كالەنقىزى, وسى جەردە ءىزى قالعان اسان قايعى, موڭكە تىلەۋ ۇلى, شەرنياز جارىلعاس ۇلى, اقتان كەرەي ۇلى, ابۋباكىر كەردەرى, تاڭىربەرگەن مولداباي, ناۋرىزبەك, تىلەۋماعامبەت جىراۋلار, نۇرپەيىس بايعانين سىندى ءانشى-جىراۋلار مەن حالىق كومپوزيتورلارىنىڭ, كەيىنگى احمەت جۇبانوۆ, باكىر تاجىباەۆ, عازيزا جۇبانوۆا, باقىت باسىعاراەۆ, قادىرالى ەرجانوۆ, سادۋاقاس بالماعامبەتوۆ سياقتى كومپوزيتورلاردىڭ شىعارمالارى, قۋاندىق شاڭعىتباەۆ, ساعي جيەنباەۆ, مەيىرحان اقداۋلەت ۇلى, ەرتاي اشىقباەۆ, باۋىرجان باباجان ۇلى, قايىرعالي قوجانباەۆ, بەيبىت ورال ۇلى, ابدۋلحاميت رايىمبەرگەنوۆ, جايلاۋ اسىلحانوۆ سىندى اقىندار, كومپوزيتورلار مەن كۇيشىلەردىڭ شىعارمالارى وسى جەرگىلىكتى رۋحاني مۇرانى بايىتىپ تۇر.
جيناققا اقتوبە توپىراعىندا ءىزى قالعان ايگىلى اسان قايعى, موڭكە تىلەۋ ۇلى, شەرنياز جارىلعاس ۇلى, اقتان كەرەي ۇلى, ابۋباكىر كەردەرى, سارىشولاق بورانباي ۇلى, سارى باتاق ۇلى, قىزىل تۇردالى ۇلى, تارازى كالەنقىزى, تاڭىربەرگەن مولداباي, نۇرپەيىس بايعانين سياقتى جىراۋلار مەن حالىق كومپوزيتورلارىنىڭ شىعارمالارى, ءوڭىردىڭ ءان شەبەرلەرى مەن تەرمەشىلەرىنىڭ ورىنداۋىندا كەڭ تارالعان ءداستۇرلى حالىق اندەرى, كونەدەن كەلە جاتقان حالىق كۇيلەرى مەن داۋلەسكەر كۇيشى قازانعاپتىڭ جانە ونىڭ ءىزباسارلارىنىڭ تەڭدەسسىز كۇيلەرى توپتاستىرىلعان. سونىمەن قاتار, قازىرگى زامانعى قازاق مۋزىكا ونەرىنىڭ نەگىزىن قالاۋشىلاردىڭ بىرەگەيى اكادەميك احمەت جۇبانوۆتىڭ, اقىن-كومپوزيتور باكىر تاجىباەۆتىڭ شىعارعان اندەرى, كورنەكتى جەرلەس اقىندار – ق.شاڭعىتباەۆ, س.جيەنباەۆ, م.اقداۋلەت ۇلى, ە.اشىقباەۆ جانە باسقالاردىڭ سوزدەرىنە جازىلعان تانىمال كومپوزيتورلار مەن جەرگىلىكتى سازگەرلەردىڭ شىعارمالارى ەنگىزىلگەن.
ساتىبالدى ءساۋىرباي.
دەرەك, سۋرەت: egemen.kz.