مەملەكەتىمىزدىڭ شەكارا ماڭىندا زاڭسىز جۇمىس ىستەپ جۇرگەن ءۇش وزبەكستان ازاماتى ۇستالدى. سولتۇستىكتىڭ قاقاعان ايازىنا دا توسەلىپ الىپ, ناپاقا تاۋىپ جۇرگەن الا شاپاندى اعايىندار پاۆلودار شەكارا وتريادىنىڭ «جەلەزينكا» شەكارا كومەنداتۋراسىنان جاساقتالعان ناريادتىڭ «لۆوۆكا» جانە «قاشىر» دەگەن اۋىلدارعا جاساعان رەيدتەرىنىڭ بارىسىندا قولعا ءتۇستى. ۇستالعاندار قاشىر اۋداندىق ىشكى ىستەر بولىمىنە تاپسىرىلدى, دەپ حابارلادى قر ۇقك شق-نىڭ ءباسپاسوز قىزمەتى.