الاياقتىڭ دا الاياعى بولادى

وڭتۇستىكتە جۇمىسقا تۇرۋ وڭاي شارۋا ەمەس. ادام كوپ, قىزمەت از. سون­دىقتان, كوپشىلىك پارا بەرسەم جۇ­­مىسقا ورنالاسامىن دەپ ويلايدى. س. دەگەن ازامات وسىنى ءوز ماق­­­ساتىنا پايدالانۋدىڭ ءوزى­نە ءتيىمدى جولىن تاپقان. سى­­قيىپ كيىنىپ الادى. ءتۇرى ۇر­تىنا ماي جاققانداي جىلتىراپ تۇر. وبلىستاعى ۇلكەن قىز­مەت ورنىنداعى ءىرى مانساپ يەسى. ەڭ باس­تىسى, ول كىمدى بولسا دا جۇ­مىسقا تۇرعىزا الادى. وسىن­داي دەپ سىبىس جىبەرەدى. مۇندايدا كىم ايانىپ قالسىن. سوڭىنان قۇلاي جۇگىرەدى. س. ءبىر جىگىتتى سوزاقتاعى ءىرى كاسىپ­ورىن­­داردىڭ بىرىنە ورنا­لاس­تىرماق بولىپ 40 مىڭ تەڭگەسىن العان. دۇرىسى, انا ازاماتتىڭ ءوزى اكەپ بەرگەن. اپتا وتەدى, اي وتەدى, جۇ­مىس جوق. جىل وتەدى, جۇ­مىس جوق. س. سىرعاقسي بەرگەن سوڭ ءال­گى اشىنعان ازامات شىم­كەنت قىىب اباي اۋداندىق ءىىب-نىڭ كەزەكشى بولىمىنە حابارلاسادى. پوليتسيا قىزمەتكەرلەرى دەرەۋ ىزدەستىرۋ شارالارىن ءجۇر­گىزىپ, 1969 جىلى تۋعان كۇ­دىكتى ازاماتتى قولعا تۇسىرەدى. ءسويت­سە, ەلدى جۇمىسپەن جارىل­قاي­مىن دەپ جۇرگەن س.-نىڭ ءوزى جۇ­مىس­سىز ەكەن. تەكسەرۋ بارىسىندا ونىڭ الاياقتىق بويىنشا 30 دەرەككە قاتىستى بول­عاندىعى انىق­تالدى. بۇل ەندى انىقتالعانى عانا. جابىرلەنۋشىلەرگە كەلتىرگەن شى­عىن 2 ملن. تەڭگەدەن اسىپ وتىر. باياعىدا ەلدى الداپ باس پاي­داسىن كوزدەيتىن بىرەۋ «ءبىر سەكىردىم – قۇتىلدىم, ەكى سە­كىر­دىم – قۇتىلدىم, ۇشىنشىدە تۇ­تىلدىم» دەپتى. س. ەكى-ۇشەۋ­دى قاناعات قىلماي, 30 رەت سە­­كىرىپ امان قالىپ, ءوزىنىڭ پى­­­سىق­تىعىنا ابدەن سەنگەن سى­­ڭايلى. ەندى ونىڭ ۇستىنەن قك-ءنىڭ 190-بابى بويىنشا قىل­­مىستىق ءىس قوزعالدى. ول قا­ماۋعا الىندى. باقتيار تايجان, «ەگەمەن قازاقستان». وڭتۇستىك قازاقستان وبلىسى.