«اق جول» دەموكراتيالىق پارتياسىنىڭ مەملەكەت باسشىسىنىڭ «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە
قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىعىنا قاتىستى
مالىمدەمەسى
ەلباسى نۇرسۇلتان ءابىش ۇلى نازارباەۆتىڭ سالماقتى دا كورەگەن ساياساتى قاشاندا ەلىمىزگە جاھاندىق ەكونوميكالىق داعدارىس تۋىنداتقان كوپتەگەن قيىندىقتاردان اينالىپ وتۋگە مۇمكىندىك بەرىپ كەلدى. جانە بۇگىندە, قازاقستان جاڭا الەۋمەتتىك-ەكونوميكالىق جاڭارۋلاردىڭ تابالدىرىعىندا تۇرعان كەزدە, وتانىمىزدىڭ كەڭ اۋقىمدى جاڭعىرتۋ باعىتى ءوزىنىڭ ناقتى كەلبەتىنە يە بولىپ ۇلگەردى. بەس ينستيتۋتتىق رەفورمانى جۇزەگە اسىرۋ بويىنشا «100 ناقتى قادام» ۇلت جوسپارى شەڭبەرىندە 80 جاڭا زاڭ قابىلداندى. جوسپاردىڭ ءاربىر باعىتى بويىنشا جول كارتاسى جاسالدى جانە بارلىق جاڭارۋلاردى جۇزەگە اسىرۋدىڭ ناقتى جوسپارى بار. ناقتى ىستەردى جۇزەگە اسىرۋدىڭ جاڭا كەزەڭى باستالۋدا. جانە ءدال بۇگىن ءبىز بارلىق جوسپاردىڭ تولىقتاي جانە مەرزىمىندە ورىندالاتىنىنا سەنىمدى بولعىمىز كەلەدى. ءوزىنىڭ قاتارىندا جەكە بيزنەستىڭ, كاسىپكەرلەردىڭ وكىلدەرىن بىرىكتىرە وتىرىپ, «اق جول» پارتياسى قازىردىڭ وزىندە كورىنىس بەرىپ وتىرعان الەمدىك ەكونوميكالىق داعدارىستىڭ سالدارىمەن العاش بەتپە-بەت كەلگەن ادامداردىڭ مۇددەسى ءۇشىن جۇمىستانۋدا. وسىنداي جاعدايدا ءبىز ءوزىمىزدىڭ سايلاۋشىلارىمىزعا, ءارىپتەستەرىمىزگە جوسپارلارىمىز بەن ۋاعدالاستىقتارىمىزدىڭ ورىندالاتىنىنا ناقتى كەپىلدىك بەرۋگە ءتيىسپىز. ءبىز ۇلت جوسپارىنىڭ, ەلىمىزدىڭ بولاشاعىنا قاتىسى بار بارلىق رەفورمالاردىڭ تابىستى جۇزەگە اسىرىلاتىنىنا سەنىمدى بولۋىمىز كەرەك. «اق جول» پارتياسىنىڭ مۇشەلەرى مەملەكەت باسشىسىنا دەپۋتاتتاردىڭ ءماجىلىستىڭ كەزەكتەن تىس سايلاۋىن وتكىزۋ تۋرالى باستاماسىن قولداعانى ءۇشىن ريزاشىلىقتارىن بىلدىرەدى. ءبىزدىڭ سايلاۋشىلارىمىز وزدەرىنىڭ سايلاعان ادامدارىنا تولىقتاي سەنىمدى بولۋلارى ءتيىس, ال دەپۋتاتتار قازاقستان ازاماتتارى وزدەرىنە تولىقتاي سەنەتىنىنە سەنىمدى بولۋلارى كەرەك. ءبىز جاڭا قازاقستاندى, ورتاق وتانىمىزدىڭ جارقىن بولاشاعىن قالايمىز!