«اۋىل» حالىقتىق-دەموكراتيالىق پاتريوتتىق پارتياسىنىڭ پارلامەنت ءماجىلىسىن تاراتۋ جانە قازاقستان پارلامەنتى ءماجىلىسى
دەپۋتاتتارىنىڭ كەزەكتەن تىس سايلاۋىن وتكىزۋ تۋرالى جارلىققا قاتىستى
مالىمدەمەسى
ءبىز, «اۋىل» پارتياسىنىڭ باسشىلارى مەن مۇشەلەرى, دەپۋتاتتاردىڭ ءماجىلىستى تاراتىپ, ءماجىلىس جانە بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن كەزەكتەن تىس وتكىزۋ تۋرالى باستاماسىنا قاتىستى مەملەكەت باسشىسىنىڭ وڭ شەشىم قابىلداپ, ءتيىستى جارلىققا قول قويعانىن قۋانا قۇپتاپ, قابىل الدىق. بۇگىندە قازاقستان استىق, ءداندى-داقىلدار, ءسۇت, ەت ونىمدەرىنىڭ, بالىق جانە باسقا دا ازىق-ت ۇلىك تۇرلەرىنىڭ ءىرى ەكسپورتتاۋشىسىنا اينالدى. دەسەك تە, جاھاندىق ەكونوميكالىق داعدارىستىڭ جاڭا تولقىنى قارساڭىندا ءبىز ءوز بولاشاعىمىزعا, كۇشىمىزگە سەنىمدى بولۋىمىز كەرەك. سوندىقتان ەلىمىزدىڭ الدىندا پرەزيدەنت ۇسىنعان بەس ينستيتۋتتىق رەفورمانى ءساتتى جۇزەگە اسىرۋ ارقىلى الەمدىك داعدارىستىڭ سالدارىن جەڭىلدەتۋ مىندەتى تۇر. ءماجىلىس پەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارىن كەزەكتەن تىس وتكىزۋ ارقىلى ءبىز حالىق قالاۋلىسى بولۋعا ەڭ لايىقتى, بىلىكتى, قازاقستاننىڭ ناعىز جاناشىر پاتريوتتارىن ىرىكتەي الامىز. سونىمەن قاتار, بۇل – مەملەكەت قۇرىلىسىنىڭ جاڭا كەزەڭىندە جاڭادان جاساقتالعان پارلامەنتتە ءوز قارىم-قابىلەتىن كورسەتۋ ءۇشىن وزگە دە پارتيالارعا بەرىلىپ وتىرعان زور مۇمكىندىك. وسى ورايدا, اۋىل جۇرتىنىڭ, قاراپايىم شارۋالار مەن اۋىل شارۋاشىلىعى تاۋارلارىن ءوندىرۋشى كاسىپكەرلەردىڭ پارتياسى رەتىندە ءبىز پارلامەنت دەپۋتاتتارىنىڭ دەر كەزىندە كوتەرگەن باستاماسىن قولدايمىز جانە وعان قاتىستى وڭ شەشىم قابىلداعان ەلباسىنا زور العىسىمىزدى بىلدىرەمىز.