«نۇر وتان» پارتياسى «جاس وتان» جاستار قاناتىنىڭ «پارلامەنت ءماجىلىسىن تاراتۋ جانە پارلامەنت ءماجىلىسى دەپۋتاتتارىنىڭ
سايلاۋىن كەزەكتەن تىس وتكىزۋ تۋرالى» جارلىققا بايلانىستى
مالىمدەمەسى
«نۇر وتان» پارتياسىنىڭ «جاس وتان» جاستار قاناتى ەلباسىنىڭ «پارلامەنت ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ سايلاۋىن كەزەكتەن تىس وتكىزۋ تۋرالى» جارلىققا قول قويۋ جونىندەگى شەشىمىن زور قۋانىشپەن قابىل الدى. جاس مەملەكەتىمىزدى جاڭعىرتۋ جولىندا جاستارعا كوپ ءۇمىت ارتىلىپ وتىر. بۇل سەنىم ءبىزدى قاناتتاندىرىپ, جاڭا جەتىستىكتەرگە ىنتالاندىرادى. ءبىز – مەملەكەت باسشىسىنىڭ ءاربىر ومىرشەڭ يدەياسى مەن كورەگەن ساياساتىن ىلگەرى باستايتىن جاسامپاز ۇرپاقپىز. الەممەن بىرگە قازاقستان دا بەتپە-بەت جۇزدەسكەن داعدارىستار زامانىندا حالقىمىزدى سىنالا وتىرىپ شىڭدالاتىن ءسات كۇتىپ تۇر. بۇل رەتتە, جاڭادان جاساقتالعان پارلامەنت ەلىمىزدەگى دەموكراتيالىق ۇدەرىستەردى جانداندىرۋعا جاڭا سەرپىن بەرىپ, ازاماتتىق قوعام ينستيتۋتتارىنىڭ ءرولىن ارتتىراتىنىنا سەنىمىمىز مول. ەلىمىزدە سايلاۋ ناۋقانىن تەزىرەك وتكىزىپ, بەس ينستيتۋتتىق رەفورمانىڭ ۇلت جوسپارىن ءساتتى جۇزەگە اسىرۋ ارقىلى ماڭگىلىك ەلىمىزدىڭ ىرگەسىن ودان ءارى نىعايتۋ – باستى ماقساتىمىز. وسى ورايدا, دەپۋتاتتاردىڭ ءماجىلىس سايلاۋىن كەزەكتەن تىس وتكىزۋ تۋرالى ۇسىنىسىنا كورسەتكەن ەلباسىنىڭ قولداۋىن جاستار قاۋىمىنا بىلدىرگەن كەزەكتى سەنىمى دەپ قابىلدايمىز جانە وسى جولدا ايانباي ەڭبەك ەتۋگە دايىنبىز.