«مەملەكەتتىك ءتىلدى دامىتۋ قورى» كورپوراتيۆتىك قورىنىڭ «بەسىنشى شاقىرىلعان پارلامەنت ءماجىلىسىن تاراتۋ,
سونداي-اق قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا بايلانىستى
مالىمدەمەسى
«مەملەكەتتىك ءتىلدى دامىتۋ قورى» كورپوراتيۆتىك قورىنىڭ ۇجىمى ەلباسىنىڭ «بەسىنشى شاقىرىلعان پارلامەنت ءماجىلىسىن تاراتۋ, سونداي-اق, پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا قول قويۋ شەشىمىن قولدايدى. تاۋەلسىزدىگىمىزدىڭ مەرەيلى بەلەسى قازاقستاندى تۇبەگەيلى جاڭعىرتۋدىڭ شەشۋشى كەزەڭىنە جانە جاھاندىق قارجى-ەكونوميكالىق داعدارىستىڭ كۇردەلى شاعىنا تۇسپا-تۇس كەلىپ وتىر. ەلىمىز اسا جاۋاپتى سىناقتاردى ابىرويمەن وتكەرۋى كەرەك. پارلامەنت دەپۋتاتتارى وتكەن جىلى بەس ينستيتۋتتىق رەفورمانى زاڭنامالىق قامتاماسىز ەتۋ باعىتىندا وراسان زور جۇمىس اتقاردى. ەندى, ونى ناقتى ءىس جۇزىنە جۇزەگە اسىرۋ كەزەڭى كەلدى. ءبىز قۇرامى قايتا جاڭارعان پارلامەنت ۇلت جوسپارىن جۇزەگە اسىرۋعا جانە «قازاقستان-2050» ستراتەگياسىنىڭ اسقاق مىندەتتەرىن مۇلتىكسىز ورىنداۋعا سەرپىن بەرەدى دەپ سەنەمىز. وسى پايىمداردى ۇستانا وتىرىپ, «مەملەكەتتىك ءتىلدى دامىتۋ قورى» كورپوراتيۆتىك قورى ەل تاعدىرىنا جاۋاپكەرشىلىكپەن قاراپ, ەلىمىزدىڭ ودان ءارى وركەندەپ دامۋىنا وزدەرىنىڭ بەلسەندى ۇلەستەرىن قوسۋعا دايىن ەكەنىن جانە اتالعان جارلىقتى تولىقتاي قولدايتىنىن مالىمدەيدى.