«قاھارمان ۇرپاق» قوعامدىق قورىنىڭ «بەسىنشى شاقىرىلعان پارلامەنت ءماجىلىسىن تاراتۋ, سونداي-اق,
پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا قاتىستى
مالىمدەمەسى
ءبىز, «قاھارمان ۇرپاق» قوعامدىق قورىنىڭ ۇجىمى, پرەزيدەنتتىڭ «بەسىنشى شاقىرىلعان پارلامەنت ءماجىلىسىن تاراتۋ, سونداي-اق, پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىعىن زور ىقىلاسپەن قارسى الدىق. جاھاندىق دەڭگەيدە بەلەڭ الىپ وتىرعان ەكونوميكالىق جانە ساياسي داعدارىستارعا قاراماستان, ەلباسىنىڭ سىندارلى ساياساتىنىڭ ارقاسىندا ەلىمىز تۇراقتى دامۋ ۇستىندە. قازاقستان ارقاشان كەز كەلگەن سىناقتان جاڭعىرعان, قۋاتتى ەل بولىپ شىعىپ كەلەدى. وسىناۋ جاۋاپتى ساتتە تەك بارشا قازاقستاندىقتاردىڭ بىرلىگى مەن كەلىسىمدى ءىس-ارەكەتتەرى عانا الەمدىك ەكونوميكالىق سوققىلارعا قارسى تۇرۋعا مۇمكىندىك بەرەدى. وسى ورايدا, قوعامدىق قور ۇجىمى جاڭا بەلەستەردى ەڭسەرۋ جولىندا قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ باستاماسىن زاڭداستىرعانى ءۇشىن مەملەكەت باسشىسىنا العىسىن بىلدىرەدى جانە قازاقستان حالقىن جارلىقتى قولداۋعا شاقىرادى.