2015 جىلعى 31 جەلتوقسان, استانا, ۇكىمەت ءۇيى قوعامدىق تىڭداۋدى ۇيىمداستىرۋ جانە وتكىزۋ تارتىبىنە قويىلاتىن ۇلگىلىك تالاپتاردى بەكىتۋ تۋرالى «قوعامدىق كەڭەستەر تۋرالى» 2015 جىلعى 2 قاراشاداعى قازاقستان رەسپۋبليكاسى زاڭىنىڭ 21-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قوعامدىق تىڭداۋدى ۇيىمداستىرۋ جانە وتكىزۋ تارتىبىنە قويىلاتىن ۇلگىلىك تالاپتار بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1191 قاۋلىسىمەن بەكىتىلگەن قوعامدىق تىڭداۋدى ۇيىمداستىرۋ جانە وتكىزۋ تارتىبىنە قويىلاتىن ۇلگىلىك تالاپتار 1. جالپى ەرەجەلەر 1. وسى قوعامدىق تىڭداۋدى ۇيىمداستىرۋ جانە وتكىزۋ تارتىبىنە قويىلاتىن ۇلگىلىك تالاپتار (بۇدان ءارى – ۇلگىلىك تالاپتار) «قوعامدىق كەڭەستەر تۋرالى» 2015 جىلعى 2 قاراشاداعى قازاقستان رەسپۋبليكاسى زاڭىنىڭ (بۇدان ءارى – زاڭ) 21-بابىنىڭ 3-تارماعىنا سايكەس ازىرلەندى جانە قوعامدىق تىڭداۋدى ۇيىمداستىرۋ مەن وتكىزۋ تارتىبىنە قويىلاتىن ۇلگىلىك تالاپتاردى بەلگىلەيدى. 2. وسى ۇلگىلىك تالاپتاردا مىناداي نەگىزگى ۇعىمدار پايدالانىلادى: 1) قوعامدىق تىڭداۋ – مىنالاردى: بيۋدجەتتىك باعدارلامالار اكىمشىسىنىڭ بيۋدجەتتىك باعدارلامالارىنىڭ جوبالارىن, ستراتەگيالىق جوسپارلاردىڭ نەمەسە اۋماقتاردى دامىتۋ باعدارلامالارىنىڭ جوبالارىن, مەملەكەتتىك جانە ۇكىمەتتىك باعدارلامالاردىڭ جوبالارىن; ازاماتتاردىڭ قۇقىقتارىنا, بوستاندىقتارى مەن مىندەتتەرىنە قاتىستى نورماتيۆتىك قۇقىقتىق اكتىلەردىڭ جوبالارىن; قىزمەتتىك ادەپ نورمالارىنىڭ ساقتالۋىن قوسا العاندا, مەملەكەتتىك باسقارۋدى جەتىلدىرۋ جانە مەملەكەتتىك اپپاراتتىڭ اشىق جۇمىسىن ۇيىمداستىرۋ ماسەلەلەرى بويىنشا جەكە جانە زاڭدى تۇلعالاردىڭ وتىنىشتەرىن; مەملەكەتتىك ورگانداردىڭ قوعامدىق ءمانى بار شەشىمدەرىن ولاردىڭ قوعامدىق مۇددەلەرگە سايكەستىگىنىڭ ماسەلەلەرى بويىنشا جاريا تالقىلاۋ ءۇشىن جينالىس وتكىزۋ ارقىلى جۇزەگە اسىراتىن قوعامدىق باقىلاۋ ءراسىمى; 2) ۋاكىلەتتى ورگان – «قوعامدىق كەڭەستەر تۋرالى» قازاقستان رەسپۋبليكاسى زاڭىنىڭ 1-بابىنىڭ 5 جانە 6-تارماقتارىندا ايقىندالعان رەسپۋبليكالىق نەمەسە جەرگىلىكتى مەملەكەتتىك باسقارۋ ورگانى; 3) قىزمەت باعىتى بويىنشا كوميسسيا (بۇدان ءارى – كوميسسيا) – قوعامدىق كەڭەس مۇشەلەرى قاتارىنان قوعامدىق كەڭەس قالىپتاستىراتىن, ونىڭ ىشىندە قوعامدىق تىڭداۋدى دايىنداۋ جانە وتكىزۋ جونىندەگى ۇيىمداستىرۋ ارەكەتتەرىن جۇزەگە اسىراتىن القالى ورگان; 4) شاقىرىلعاندار – مەملەكەتتىك ورگانداردىڭ, بۇقارالىق اقپارات قۇرالدارىنىڭ, عىلىمي, كاسىپوداق جانە وزگە دە ۇيىمداردىڭ وكىلدەرى, سونداي-اق ساراپشىلار مەن قوعامدىق تىڭداۋعا قاتىسۋ ءۇشىن قوعامدىق كەڭەستىڭ شەشىمى بويىنشا شاقىرىلعان باسقا دا ماماندار. 2. قوعامدىق تىڭداۋدى ۇيىمداستىرۋ تارتىبىنە قويىلاتىن ۇلگىلىك تالاپتار 3. قوعامدىق تىڭداۋ قوعامدىق كەڭەس مۇشەلەرىنىڭ باستاماسى بويىنشا وتكىزىلەدى. قوعامدىق تىڭداۋدى وتكىزۋ تۋرالى شەشىم قوعامدىق كەڭەس وتىرىسىنىڭ حاتتاماسىنا ەنگىزىلەدى. 4. قوعامدىق تىڭداۋدى قوعامدىق كەڭەس زاڭنىڭ 1-بابىنىڭ 5 جانە 6-تارماقتارىندا ايقىندالعان رەسپۋبليكالىق جانە جەرگىلىكتى مەملەكەتتىك باسقارۋ ورگاندارىمەن كەلىسىلگەن مەرزىمدەردە جۇرگىزەدى. 5. قوعامدىق تىڭداۋدى وتكىزۋ تۋرالى شەشىمدە مىنالار كورسەتىلەدى: 1) قوعامدىق تىڭداۋ تاقىرىبى; 2) وتكىزىلەتىن كۇنى; 3) قوعامدىق تىڭداۋدى دايىنداۋدى, وتكىزۋدى جانە سونداي-اق ونىڭ قورىتىندىسى بويىنشا ۇسىنىمداردى ازىرلەۋدى جۇزەگە اسىراتىن كوميسسيا. 6. قوعامدىق كەڭەستىڭ قوعامدىق تىڭداۋدى وتكىزۋ تۋرالى شەشىمى نەگىزىندە ۋاكىلەتتى ورگاننىڭ باسشىسى نەمەسە ول ۋاكىلەتتىك بەرگەن لاۋازىمدى ادام شەشىم قابىلدانعان كۇننەن باستاپ بەس جۇمىس كۇنىنەن كەشىكتىرمەي قوعامدىق تىڭداۋدى دايىنداۋ جانە وتكىزۋ جونىندەگى كوميسسيا قىزمەتىن ۇيىمدىق جانە ماتەريالدىق-تەحنيكالىق قامتاماسىز ەتۋگە جاۋاپتى قۇرىلىمدىق بولىمشەنى ايقىندايدى. 7. كوميسسيا قوعامدىق تىڭداۋدى دايىنداۋدى جانە وتكىزۋدى مىناداي تارتىپپەن جۇزەگە اسىرادى: 1) قوعامدىق تىڭداۋ تاقىرىبى بويىنشا ۇسىنىلاتىن ماسەلەلەردىڭ ناقتى تىزبەسىن انىقتايدى; 2) جۇمىس جوسپارىن جاسايدى, كوميسسيا مۇشەلەرى اراسىندا مىندەتتەردى بولىسەدى جانە قوعامدىق تىڭداۋدى دايىنداۋ مەن وتكىزۋ مىندەتتەرىنىڭ تىزبەسىن ايقىندايدى; 3) وتكىزۋ بەلگىلەنگەن كۇنگە دەيىن وتىز كۇننەن كەشىكتىرمەي بۇقارالىق اقپارات قۇرالدارىندا جانە ۋاكىلەتتى ورگاننىڭ ينتەرنەت رەسۋرسىندا قوعامدىق تىڭداۋ تاقىرىبى مەن ماسەلەلەرىنىڭ تىزبەسىن جاريالاۋدى قامتاماسىز ەتەدى. قوعامدىق تىڭداۋدا نورماتيۆتىك قۇقىقتىق اكتى جوباسى قارالعان كەزدە, ونىڭ تولىق ءماتىنى دە تۇرعىنداردىڭ تانىسۋى ءۇشىن, وتكىزىلەتىن كۇننەن كۇنتىزبەلىك ون كۇن بۇرىن جاريالانادى; 4) شاقىرىلعانداردىڭ تىزبەسىن ايقىندايدى جانە ولارعا تالقىلاۋعا ۇسىنىلاتىن ماسەلەلەر بويىنشا وزدەرىنىڭ ۇسىنىمدارى مەن ۇسىنىستارىن بەرۋ تۋرالى ءوتىنىشتى قوعامدىق تىڭداۋعا شىعارىلاتىن بارلىق قۇجاتتاردىڭ كوشىرمەلەرىن قوسا بەرە وتىرىپ, ولارعا رەسمي ءوتىنىش جىبەرەدى; 5) قوعامدىق تىڭداۋعا قاتىسۋشىلارعا قوعامدىق تىڭداۋ تاقىرىبى بويىنشا ۇسىنىمداردى دايىنداۋ ءۇشىن قاجەتتى اقپاراتتى الۋعا جاردەمدەسەدى; 6) قوعامدىق تىڭداۋعا ۇسىنىلاتىن ءاربىر ماسەلە بويىنشا ۇسىنىمدار مەن ۇسىنىستاردان تۇراتىن قورىتىندى حاتتاما جوباسىن وسى ۇلگىلىك تالاپتارعا قوسىمشاعا سايكەس نىسان بويىنشا دايىنداۋدى ۇيىمداستىرادى; 7) تۇرعىنداردى قوعامدىق تىڭداۋ وتكىزىلەتىن كۇنگە دەيىن ون كۇننەن كەشىكتىرمەي حاباردار ەتەدى. جاريالاناتىن اقپارات قوعامدىق تىڭداۋ تاقىرىبى جانە ماسەلەلەرى, تىڭداۋدى وتكىزۋ ۋاقىتى مەن ورنى تۋرالى مالىمەتتەردى, كوميسسيانىڭ بايلانىس اقپاراتتارىن قامتيدى; 8) قوعامدىق تىڭداۋعا قاتىسۋشىلاردى تىركەيدى. 8. قوعامدىق تىڭداۋ باستالماستان بۇرىن سويلەۋگە تىركەلگەن شاقىرىلعاندار مەن ازاماتتار سويلەۋ قۇقىعىنا يە بولاتىن قوعامدىق تىڭداۋعا قاتىسۋشىلار بولىپ تابىلادى. رەسپۋبليكالىق دەڭگەيدە وتكىزىلەتىن قوعامدىق تىڭداۋعا ول باستالار الدىندا تىركەلگەن ازاماتتار قاتىسا الادى. جەرگىلىكتى دەڭگەيدە وتەتىن قوعامدىق تىڭداۋعا ول باستالار الدىندا تىركەلگەن ءتيىستى اكىمشىلىك-اۋماقتىق بىرلىكتىڭ تۇرعىندارى قاتىسا الادى. 3. قوعامدىق تىڭداۋدى وتكىزۋ تارتىبىنە قويىلاتىن ۇلگىلىك تالاپتار 9. قوعامدىق تىڭداۋ باستالار الدىندا كوميسسيا قاتىسۋشىلاردى تىركەيدى. 10. قوعامدىق كەڭەس توراعاسى (نەمەسە ونى الماستىراتىن تۇلعا) (بۇدان ءارى – توراعا) قوعامدىق تىڭداۋدى اشادى, ونى وتكىزۋ تاقىرىبىن, كۇن ءتارتىبىن, قاتىسۋشىلاردىڭ سويلەۋ رەگلامەنتىن جاريالايدى. 11. قوعامدىق تىڭداۋدى وتكىزۋ بارىسىندا حاتتاما جۇرگىزىلەدى, وندا قوعامدىق تىڭداۋدى وتكىزۋ كۇنى مەن ورنى, قاتىسۋشىلار سانى, قوعامدىق تىڭداۋ توراعاسى مەن حاتشىسىنىڭ تەگى, اتى, اكەسىنىڭ اتى (بولعان كەزدە), كۇن ءتارتىبى, سويلەگەن سوزدەردىڭ مازمۇنى كورسەتىلەدى. 12. قوعامدىق تىڭداۋعا شاقىرىلعاندار مەن باسقا دا قاتىسۋشىلاردىڭ سويلەۋ ۋاقىتى سويلەۋشىلەردىڭ سانى مەن وتىرىستى وتكىزۋگە بولىنگەن ۋاقىتقا قاراي ايقىندالادى. 13. شاقىرىلعان ادام سويلەپ بولعاننان كەيىن توراعا قوعامدىق تىڭداۋعا قاتىسۋشىلارعا ناقتىلاۋشى سۇراقتار قويۋ قۇقىعىن بەرەدى جانە سۇراقتارعا جاۋاپ بەرۋ ءۇشىن قوسىمشا ۋاقىت بەرەدى. سۇراقتارعا جاۋاپ بەرۋ ۋاقىتى شاقىرىلعان ادامنىڭ سوزىنە بولىنگەن نەگىزگى ۋاقىتتان اسپاۋى ءتيىس. 14. شاقىرىلعانداردىڭ وزدەرىنىڭ ۇسىنىمدارىن الىپ تاستاۋىنا جانە/نەمەسە قوعامدىق تىڭداۋدىڭ باسقا شاقىرىلعاندارىنىڭ ۇسىنعان ۇسىنىمدارىنا قوسىلۋىنا جول بەرىلەدى. 15. شاقىرىلعاندار قوعامدىق تىڭداۋ كۇن ءتارتىبىنىڭ بارلىق ماسەلەلەرى بويىنشا سوزدەرىن اياقتاعاننان كەيىن توراعا قوعامدىق تىڭداۋ قاتىسۋشىلارىنا, ولاردى تىركەۋ كەزىندە ايقىندالعان كەزەك تارتىبىنە قاراي سويلەۋ ءۇشىن ءسوز بەرەدى. 16. بارلىق سويلەۋشىلەر سوزدەرىن اياقتاعاننان كەيىن توراعا قوعامدىق تىڭداۋدىڭ قورىتىندىسىن جاسايدى. 17. قوعامدىق تىڭداۋ ناتيجەلەرى بويىنشا قورىتىندى حاتتاما قابىلدانادى, وعان قوعامدىق تىڭداۋ توراعاسى مەن حاتشىسى قول قويادى. قوعامدىق تىڭداۋدىڭ قورىتىندى حاتتاماسى, ەگەر وعان قوعامدىق كەڭەستىڭ قاتىسىپ وتىرعان مۇشەلەرىنىڭ جارتىسىنان استامى داۋىس بەرسە, قابىلداندى دەپ ەسەپتەلەدى. 18. قوعامدىق تىڭداۋدىڭ قورىتىندى حاتتاماسىندا: 1) باقىلاناتىن مەملەكەتتىك ورگاندار مەن ولاردىڭ لاۋازىمدى ادامدارىنىڭ قازاقستان رەسپۋبليكاسىنىڭ زاڭناماسىن ساقتاۋى تۋرالى اقپارات; 2) قوعامدىق تىڭداۋ بارىسىندا انىقتالعان, جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىنە نۇقسان كەلتىرەتىن نەمەسە ولاردى شەكتەيتىن ەرەجەلەردى جويۋ جونىندەگى ۇسىنىمدار; 3) نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزۋ جونىندەگى ۇسىنىستار قامتىلادى. 19. كوميسسيا قوعامدىق تىڭداۋلاردىڭ قورىتىندى حاتتاماسى قابىلدانعان كۇننەن باستاپ بەس كۇننەن كەشىكتىرمەي ۋاكىلەتتى ورگان ينتەرنەت رەسۋرسىندا جانە (نەمەسە) مەرزىمدى باسپا باسىلىمداردا ونىڭ جاريالانۋىن قامتاماسىز ەتەدى. 20. قورىتىندى حاتتاما نەگىزىندە قابىلدانعان ۇسىنىمداردى قوعامدىق كەڭەس توراعاسى ون كۇن مەرزىمدە: 1) مەملەكەتتىك ورگاندارعا, قوعامدىق باقىلاۋ سۋبەكتىلەرىنە; 2) زەردەلەۋ جانە شارالار قولدانۋ ءۇشىن مەملەكەتتىك ورگانداردىڭ قىزمەتىن باقىلاۋدى جۇزەگە اسىرۋعا ۋاكىلەتتىك بەرىلگەن مەملەكەتتىك ورگاندارعا; 3) بۇقارالىق اقپارات قۇرالدارىنا جىبەرەدى. 21. ءتيىستى مەملەكەتتىك ورگان ءبىرىنشى باسشىسىنىڭ نە ونى الماستىراتىن ادامنىڭ قولى قويىلاتىن دالەلدى جاۋاپتى وسى ۇسىنىم تۇسكەن كەزەڭنەن باستاپ زاڭنىڭ 5-بابىنىڭ 1-تارماعىنىڭ 5) جانە 6) تارماقشالارى بويىنشا – قوعامدىق كەڭەستەن ۇسىنىم كەلىپ تۇسكەن ساتتەن باستاپ ءبىر اي ىشىندە, ال زاڭنىڭ 5-بابىنىڭ 1-تارماگىنىڭ 1) تارماقشاسى بويىنشا ون جۇمىس كۇنى ىشىندە بەرەدى. قوعامدىق تىڭداۋدى ۇيىمداستىرۋ جانە وتكىزۋ تارتىبىنە قويىلاتىن ۇلگىلىك تالاپتارعا قوسىمشا قوعامدىق تىڭداۋدىڭ قورىتىندى حاتتاماسى قوعامدىق تىڭداۋ ________________________________________________ 201__ جىلعى «___» _____№_____شەشىمىمەن تاعايىندالدى قوعامدىق تىڭداۋ تاقىرىبى: ________________________________________________________________ وتەتىن كۇنى جانە ورنى: ___________________________________________________________ ر/س № تالقىلاۋعا ۇسىنىلعان ماسەلەلەر باقىلاناتىن مەملەكەتتىك ورگاندار مەن ولاردىڭ لاۋازىمدى ادامدارىنىڭ قازاقستان رەسپۋبليكاسىنىڭ زاڭناماسىن ساقتاۋى تۋرالى اقپارات قوعامدىق تىڭداۋ بارىسىندا انىقتالعان, جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىنە نۇقسان كەلتىرەتىن نەمەسە ولاردى شەكتەيتىن ەرەجەلەردى جويۋ جونىندەگى ۇسىنىمدار نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزۋ جونىندەگى ۇسىنىستار ەسكەرتپەلەر قوعامدىق تىڭداۋ توراعاسى قوعامدىق تىڭداۋ حاتشى