استانا. 21 قاڭتار. اقش-تىڭ نيۋ-مەكسيكو شتاتىنىڭ باسشىلىعى ەكولوگيالىق تالاپتاردى ورىنداماعانىنا بايلانىستى نەمىستىڭ ايگىلى Volkswagen اۆتوكونتسەرنىنە ايىپ تاقتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اقش-تىڭ نيۋ-مەكسيكو شتاتى Volkswagen اۆتوكونتسەرنىنە ايىپ تاعا وتىرىپ, سوتقا بەرگەن شتاتتاردىڭ ءبىرىنشىسى بولدى. «ايگىلى نەمىس كومپانياسى, ونىڭ اقش-تاعى فيليالدارى, بولىمشەلەرى ەكولوگيالىق تالاپتاردى ازايتىپ كورسەتەتىن قۇرىلعى ورناتىپ, نيۋ-مەكسيكونىڭ زاڭىنا قارسى ارەكەت جاسادى», – دەيدى شتاتتىڭ باس پروكۋرورى گەكتور بالدەراس.
ايتا كەتەيىك, اقش ايماعىنا وسىنداي اقاۋمەن شىعارىلعان 600 مىڭ كولىك ساتىلعان. تەكسەرىس كەزىندە كولىكتەن ءبولىنىپ شىعاتىن قالدىق ادام دەنساۋلىعىنا كەرى اسەرىن تيگىزىپ, دەمىكپە, وزگە دە رەسپيراتورلى اۋرۋلارعا الىپ كەلەتىنى انىقتالدى.
Volkswagen كومپانياسىنىڭ بۇل ولقىلىعىنا ەۋروپانىڭ جانە ازيانىڭ بىرقاتار ەلدەرى تەرگەۋ جۇمىستارىن باستادى. ال وڭتۇستىك كورەيا مەملەكەتى وسىعان بايلانىستى اۆتوكونتسەرن باسشىلىعىنا 18 ميلليارد دوللار كولەمىندە ايىپپۇل سالۋى مۇمكىن.
ايان ءابدۋالي.
دەرەك: تاسس.
سۋرەت: cars-daily.ru.