ساۋد ارابياسىنىڭ ەت-تايف قالاسىندا تۇراتىن 70 جاستاعى ەر كىسى ءوزىنىڭ ەكى ايەلى سىي رەتىندە... ءۇشىنشى ايەل الىپ بەرمەك بولعاندا, قاتتى تاڭدانعانىنان ءۇنى شىقپاي قالىپتى. مۇنىڭ قالجىڭ ەمەس, شىندىق ەكەنىنە كوزى جەتكەندە دە وتاعاسىنىڭ تاڭدانىسىندا شەك بولماپتى.
ال كۇيەۋلەرىنەن كوپ كىشى ەكى ايەل ءوزارا اقىلداسا كەلىپ, وزدەرى قاتتى سىيلايتىن وعان ءۇشىنشى ايەلدى تارتۋ ەتكەندى ءجون كورىپتى. ولار مۇنىمەن دە شەكتەلمەي, ءۇي يەسىنە ساي كەلەتىن بويجەتكەندى وزدەرى تاڭداپ جانە ونى كەلىستىرىپ قويىپتى. ءسويتىپ, ۇيلەنۋ تويىنىڭ ءراسىمىن دە وزدەرى باستاپ كەتكەن.
«مەن باسىندا مۇنىڭ ءبارىن ءوزىمدى اقىماق ەتۋدىڭ جولى شىعار دەپ ويلاعام. بىراق ولاردىڭ سونشالىقتى بەرىلىپ ىستەپ جاتقان تىرلىكتەرىن كورگەندە, سەنبەسكە امالىم قالمادى. مۇنى ەكى ايەلىم ماعان دەگەن قۇرمەتتەرى مەن العىس سەزىمدەرىنەن تۋعان نارسە ەكەنىن ايتىپ جەتكىزدى», – دەيدى جۇبايلارى ارەكەتىنەن اسىپ-تاسقان اۆاد بين اۋايمەر اس-سۋايبي ەسىمدى اقساقال.
اۆاد قاريانىڭ ۇيلەنۋ تويى ەت-تايفتە ەكى ايەلىنىڭ مۇقيات قاداعالاۋلارى مەن قىراعى كوزبەن قاراۋلارى اياسىندا ءوتتى. ايەلدەر ءوز كۇيەۋلەرىنە «بال ايىن» دا ۇيىمداستىرىپ بەردى.
«مەن ولاردىڭ ماعان جاساعان بۇل جاقسىلىقتارىن ەشقاشان ۇمىتپايمىن», – دەيدى مۇسىلمان اتاي جادىراڭقى جۇزبەن.
دامير قوجامقۇل.