تۇڭعىش پرەزيدەنتىمىزدىڭ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى بيىلعى جولداۋى الەمدىك داعدارىس كەزىندە حالىقتىڭ بولاشاققا دەگەن سەنىمىن كۇشەيتتى. حالىقتىڭ ساناسىنا قوزعاۋ سالدى, جۇمىسقا دەگەن ىنتاسىن ارتتىردى.
اسىرەسە, نۇرسۇلتان ءابىش ۇلىنىڭ «داعدارىستىڭ ءبارى وتكىنشى, وتەدى دە كەتەدى. ەل تاۋەلسىزدىگى, ۇلت مۇراتى, ۇلت بولاشاعى سياقتى ۇلى قۇندىلىقتار عانا ماڭگى. مەن ايتىپ وتكەننىڭ بارلىعىن جەڭۋگە بولاتىن, ءبىز جەڭە الاتىن بوگەتتەر» دەگەنى داعدارىستى بۇكىل قازاقستان حالقى بولىپ ەڭسەرەتىنىمىزدى جانە ەلىمىزدىڭ جاڭاشا دامىپ نىعايا تۇسەتىندىگىنە كوزىمىزدى جەتكىزدى.
ال, ەلباسىنىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسى بۇكىل قازاقستان ازاماتتارىنىڭ كوكەيىنەن شىعىپ, ومىرگە دەگەن سۇيىسپەنشىلىگىن ارتتىرىپ, وتانىن قاستەرلەۋگە ۇمتىلدىرىپ, ناقتىلاپ كورسەتىپ بەرگەن جوسپارىن بۇلجىتپاي ورىنداپ, ادال ەڭبەك جاساۋعا جۇمىلدىرا ءتۇستى.
2016 جىلدىڭ 1 قاڭتارىنان بۇل ۇلت جوسپارى قاعاز كۇيىندە جاي ءسوز, ارمان بولىپ قالماي ونى ورىنداۋدىڭ تەتىگى كورسەتىلگەن 59 زاڭ كۇشىنە ەندى. بۇكىل الەم قازاق ەلىنىڭ ەلباسى نۇرسۇلتان نازارباەۆتىڭ وسىنداي كوشباسشىلىعىمەن ايقىن باعىتى بەلگىلەنىپ, سونىڭ اياسىندا دامىپ كەلە جاتقانىنا جانە قۋاتتى دا سەنىمدى مەملەكەت ەكەندىگىنە كوز جەتكىزىپ, قۇرمەتپەن قىزىعا قارايدى.
بەس حالىقتىق رەفورمانى جۇزەگە اسىرۋعا باعىتتالعان «100 ناقتى قادام» ۇلت جوسپارى ءار قازاقستاندىقتىڭ ءوز ىسىنە بەرىك جانە ەل بولاشاعى ءۇشىن ەڭبەك كۇرەسىنە كىرىسۋگە, جاۋاپكەرشىلىككە, ناتيجەلىلىككە, ەركىندىككە باۋلىپ شىڭدايتىنىنا كامىل سەنەمىن.
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ كوپتىلدى ءبىلىم بەرۋ ينستيتۋتى – شەتەل ءتىلى ماماندارىن دايىندايتىن قازىرگى ءومىر تالابىنا ساي جۇمىس جاساپ جاتقان وقۋ ورنى. «100 ناقتى قادامنىڭ» 79-قادامىندا ايتىلعانداي بۇل ينستيتۋت اعىلشىن ءتىلىن دەڭگەيلەپ مەڭگەرتىپ, ءۇش تىلدە ەڭبەك رىنوگىندا باسەكەگە تۇسە الاتىن, جاڭاشا تۇرپاتتى, بىلىكتى دە جاڭاشىل كرەاتيۆتى كاسىبي مۇعالىمدەر دايىنداۋدا. ءتىل ۇيرەنۋ جاي عانا ءسوز جاتتاۋ ەمەس, ءتىل ارقىلى سول تىلدە سويلەيتىن حالىقتى تانۋ, ونىڭ وتكەن ءومىرى مەن بۇگىنگىسىن, ادەت-عۇرپىن جانە ونىڭ ساناسىن تانۋ. اعىلشىن ءتىلىن مەڭگەرۋ ارقىلى الەمدى تانيمىز جانە الەمگە ءوزىمىزدى سول ءتىل ارقىلى تانىتامىز. بۇل تۋرالى ەلباسى ءوز ماقالاسىندا انىق ايتتى. الدا تۇرعان مىندەتتى ناقتى كورسەتتى. ءبىز سونى ىسكە اسىرۋعا ءتيىستىمىز.
تاڭات اياپوۆا,
كوپتىلدى ءبىلىم بەرۋ ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور, حالىقارالىق پەداگوگيكالىق ءبىلىم بەرۋ اكادەمياسىنىڭ اكادەميگى.