استانا. 21 قاڭتار. بىرىككەن ۇلتتار ۇيىمىنىڭ ەكونوميكالىق جانە الەۋمەتتىك كەڭەسى «الەمدەگى ەكونوميكالىق جاعداي جانە ونىڭ بولاشاعى» اتتى بايانداماسىندا Brent ماركالى مۇنايدىڭ وسى جىلعى ورتاشا كورسەتكىشى باررەلىنە 51 دوللاردى قۇرايتىنى تۋرالى بولجام جاساعانىن مالىمدەدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
بايانداما 2015 جىلدىڭ سوڭىنا تامان دايىندالعان. ال سوڭعى اپتادا باعانىڭ كۇرت تومەندەگەنى ەسەپكە الىنبادى.
«ەگەر دە 2016 جىلى مۇنايعا دەگەن سۇرانىس ارتىپ, ال ءوندىرىس كورسەتكىشى قازىرگىدەي قالار بولسا, باعاسى باررەلىنە 51 دوللاردى قۇراۋى مۇمكىن, ال 2017 جىلى 62 دوللارعا دەيىن بارادى دەگەن بولجام جاسالادى», – دەيدى باياندامادا.
ساراپشىلاردىڭ بولجامى بويىنشا, بيىل مۇناي جەتكىزىلىمى وتكەن جىلدىڭ كولەمىندە بولادى (بۇۇ-نىڭ ەسەبىمەن كۇنىنە 95,9 ميلليون باررەل). الايدا, اقش-تىڭ مۇناي ءوندىرۋى كۇنىنە شامامەن 400 مىڭ باررەلگە دەيىن ازايادى دەپ توپشىلايدى.
ال ساتىپ الۋشى مەملەكەتتەردە مۇناي قورى ارتادى. بۇۇ ماماندارىنىڭ پىكىرىنشە, ەۋروپا ەكونوميكالىق ىنتىماقتاستىقتىق جانە دامۋ ۇيىمىنا مۇشە ەلدەردە 2014 جىلدىڭ سوڭىنا تامان 2,7 ميلليارد باررەلگە جەتكەن جانە بۇل كورسەتكىش الداعى جىلدارى ارتىپ, رەكوردتى دەڭگەيگە جەتەدى.
ايان ءابدۋالي.
دەرەك: تاسس.
سۋرەت: mignews.com.