استانا. 20 قاڭتار. رەسەيدىڭ ورىنبور وبلىسىندا جول اپاتىنان ءۇش ادام قازا تاۋىپ, ءۇش ادام ءتۇرلى جاراقات الدى. وقيعا بۋزۋلۋك اۋدانىنا قاراستى الداركينو ەلدى-مەكەنىنە تاياۋ جەردە بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«الدىن-الا بولجام بويىنشا, ۆاز-21099 اۆتوكولىگىنىڭ جۇرگىزۋشىسى رولگە يە بولا الماعان. وسىنىڭ سالدارىنان جولدىڭ قارسى بەتىنە شىعىپ كەتىپ, Toyota كولىگىنە سوقتىعىستى», – دەپ مالىمدەدى ايماقتىق ىشكى ىستەر دەپارتامەنتى.
قاقتىعىس سالدارىنان گاز جۇيەسىمەن جابدىقتالعان ۆاز-21099 ءاۆتوموبيلى سول مەزەتتە ورتەنىپ كەتتى. كولىكتەگى 3 ادام وقيعا ورنىندا قازا تاپتى. ال Toyota ىشىندە زارداپ شەككەن 3 جولاۋشى جاقىن ماڭايداعى اۋرۋحانالارعا جەتكىزىلدى.
اۋا رايىنىڭ كۇرت بۇزىلۋىنا بايلانىستى ايماقتا توتەنشە جاعداي جاريالاندى. قازىرگى كەزدە قار ارالاس جاڭبىر جاۋىپ, بوران سوعىپ تۇر.
ايان ءابدۋالي.
دەرەك, سۋرەت: تاسس.