استانا. 20 قاڭتار. اقش-تىڭ كاليفورنيا شتاتىنا قاراستى لوس اندجەلەس قالاسىندا قولدى بولعان قۇندى كارتينالارعا ىزدەۋ سالىندى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ۇرلانعانداردىڭ اراسىندا انري ماتيسس, مارك شاگال, جوان ميرو ەسىمدى بەلگىلى سۋرەتشىلەردىڭ تۋىندىلارى بار. قۇنى 250 مىڭ دوللاردى قۇرايتىن باعالى زاتتار جەرگىلىكتى ونەركاسىپ اۆتوتۇراعىنداعى كولىكتەن ۇرلانعان.
پوليتسيا باسقارماسىنا Haulmark تىركەمەسىنىڭ 2005 جىلعى ۇلگىسى جوعالعانى تۋرالى مالىمەت كەلىپ ءتۇستى. قۇقىق قورعاۋ ورگانىنىڭ قىزمەتكەرى دونالد حرايسيكتىڭ ايتۋىنشا, سونداي-اق باعالى مۇسىندەر, كوركەمسۋرەتتەر, ەستامپتار, شىنىدان جاسالعان بۇيىم توپتامالارى جانە سيرەك كەزدەسەتىن زاتتار قولدى بولعان.
م ۇلىك يەسىنىڭ ەسىمى جاسىرىن كۇيدە قالدى. ال قۇندى زاتتاردىڭ كولىك ىشىندە قاراۋسىز قالعانىنىڭ سەبەبى ءالى بەلگىسىز.
ايان ءابدۋالي.
دەرەك, سۋرەت: تاسس.