وسكەمەن. 20 قاڭتار. شىعىسقازاقستاندىق جاستار ەل تاۋەلسىزدىگىنىڭ 25 جىلدىق مەرەيتويىنا وراي «25 قايىرىمدى ءىس» اكتسياسىنىڭ تۇساۋىن كەستى. بۇل تۋرالى egemen.kz ءتىلشىسى حابارلادى.
ۇيىمداستىرۋشىلاردىڭ ايتۋىنشا, وبلىس كولەمىندە جىل سوڭىنا دەيىن قايىرىمدىلىق كونتسەرتتەرى مەن ءىس-شارالارى وتكىزىلىپ, جينالعان قاراجات شىن مانىندە كومەككە مۇقتاج جاندارعا جەرەبە تارتۋ ءادىسى بويىنشا بەرىلمەك.
اكتسيانى ساتىمەن جۇزەگە اسىرۋعا ءوڭىردىڭ بارلىق بەلسەندى جاستارى, ولاردىڭ ىشىندە تاۋەلسىزدىكتىڭ قۇرداستارى دا جۇمىلدىرىلادى. ءار قالا مەن اۋداندا ادامدى رۋحاني تۇرعىدان دامىتاتىن قايىرىمدىلىق كونتسەرتتەرى ۇيىمداستىرىلىپ, ودان تۇسكەن قاراجات جينالاتىن بولادى. وسىنداي كەشتىڭ العاشقىسى وسكەمەن قالاسىندا ءوتتى.
«2016 جىل – ەلىمىز ءۇشىن ەرەكشە جىل. تاۋەلسىزدىك مەرەيتويىنىڭ قۇرمەتىنە ءوڭىرىمىزدىڭ ءار قالالارى مەن اۋداندارىندا تۇراتىن بەلسەندى جاستارىمىز دا ءوز ۇلەستەرىن قوسپاق نيەت تانىتىپ وتىر. ءبىرى 100 مىڭ تەڭگە جينار, ءبىرى 50 مىڭ تەڭگە جينار, ناتيجەسىندە, بارلىق قاراجاتتىڭ باسىن قوسىپ, مۇقتاج جاندارعا كومەك رەتىندە بەرۋدى كوزدەپ وتىرمىز», – دەدى وبلىستىق ىشكى ساياسات باسقارماسىنىڭ جاستار باستامالارىن دامىتۋ ورتالىعىنىڭ ديرەكتورى ارايلىم ەسىمبەكوۆا.
وسى ىسپەتتى قايىرىمدىلىق اكتسياسى اياگوز اۋدانىندا ءوتىپ, باستاماشىل توپ كوپبالالى وتباسىعا كيىم-كەشەك, ازىق-ت ۇلىك قورىن سىيلاپ, كومىر ءتۇسىرىپ بەردى.
دۋمان اناش,
دەرەك, سۋرەت: شىعىس قازاقستان وبلىسى اقپاراتتىق ورتالىعى.