الماتى. 20 قاڭتار. تاۋەلسىزدىكتىڭ 25 جىلدىعىنا بايلانىستى الماتى كىتاپحانالارى بىرقاتار شارا ۇيىمداستىرماق. بۇل تۋرالى egemen.kz ءتىلشىسى حابارلادى.
اتا-بابالارىمىز ارمانداعان تاۋەلسىزدىگىمىزگە – بيىل 25 جىل. وسى ورايدا ۇرپاق تاربيەسىنە قوماقتى ۇلەس قوسىپ جۇرگەن كىتاپحانالار دا مەرەيتويلى جىلدا بىرقاتار شارا وتكىزۋدى جوسپارلاپ وتىر. تاۋەلسىزدىگىمىزگە ءتاۋ ەتە وتىرىپ العاشقى ءىس-شارا قر ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى 5571 اسكەري بولىمىندە «تاۋەلسىزدىگىمىز تۇعىرلى, مەملەكەتتىگىمىز عۇمىرلى بولسىن!» دەگەن اتپەن باستاۋ الدى.
شاراعا جامبىل اتىنداعى مەملەكەتتىك جاسوسپىرىمدەر كىتاپحاناسىنىڭ ديرەكتورى ساپاقوۆا گۇلسىم ساعاتپايقىزى, الماتى تەحنولوگيالىق ۋنيۆەرسيتەتىنىڭ تاربيە جونىندەگى پرورەكتورى باتحولدين قالتاي سەيتقاجى ۇلى
قر جازۋشىلار وداعىنىڭ حاتشىسى, اقىن مارالتاي رايىمبەك ۇلى قاتىستى.
...تامىرىنان تاراتىلىپ تەكتى ءسوز,
ال, ارمانشىل اسىل حالقىم كوكتى كەز.
كوك بايراقتى, قىران تەكتى قازاققا
كۇن استىندا قانات جايار جەتتى كەز! –دەيتىن اقىن مارالتايدىڭ رۋحتى جىرلارى ساربازداردى سەرپىلتتى. شارادا تاۋەلسىزدىكتىڭ قۇندىلىعى تۋرالى ايتىلدى.
قر ۇلتتىق ۇلاننىڭ 5571 اسكەري بولىمشەسىنىڭ تاربيە جانە الەۋمەتتىك-قۇقىقتىق جۇمىستارى بويىنشا ءبولىم باسشىسى ارمان كەرىمقۇل ۇلى كەلگەن قوناقتار مەن ساربازداردى قۇتتىقتاپ, وسى شاراعا بەلسەنە قاتىسقاندارعا قولباسشىلىق اتىنان العىس حاتتار تاپسىردى.
سالتاناتتى جيىن سوڭىنان ءداستۇرلى انشىلەر: باقتيار اقىمجان, ءالىبي بەكايدار, ازات بولات ۇلى جانە جاس ەسترادا ءانشىسى باعلان دارحان ءان-جىردان شاشۋ شاشتى.
ايناش ەسالي.
دەرەك, سۋرەت: egemen.kz.