استانا. 20 قاڭتار. استانا قالاسى فۋتبول فەدەراتسياسى سايتىنىڭ مەملەكەتتىك تىلدەگى نۇسقاسى اشىلدى. ول sportsffa.kz/kz دەپ اتالادى. بۇل تۋرالى جۋرناليست نۇرعازى ساساەۆتىڭ Facebook الەۋمەتتىك جەلىسىندەگى پاراقشاسىنا سىلتەمە جاساعان egemen.kz ءتىلشىسى حابارلادى.
«ءسۇيىنشى! قازاق فۋتبولى تۋرالى جاڭا سايت!
بيسسيميلاحي - دەپ, جاڭا ءىستى باستادىق. استانا فۋتبول فەدەراتسياسىنىڭ قازاق ءتىلى ءبولىمىن اشىپ جاتىرمىز. "باستى بەت ورىسشا اشىلادى ەكەن", - دەپ سوكپەڭىزدەر. ءاۋ باستا ورىس تىلىندە جۇرگىزىلگەن سايت قوي. بىرنەشە مىڭ وقىرمانى دا بار...
ەندى قازاق ءتىلدى وقىرمانداردى تارتىپ, انا تىلىمىزدەگى جاناشىرلار سانى كوبەيىپ, ورىس ءتىلدى وقىرماندار قاراسىمەن تەڭەسىپ جاتسا, وندا باستى بەت قازاقشا اشىلاتىن بولادى. سولاي كەلىسىپ, جوسپارلاپ وتىرمىز.
سوندىقتان "قازاق فۋتبولى تۋرالى دەرەك كوزدەر كوبەيسىن" دەگەن ەر-ازاماتتار بولسا, قولدايدى دەپ ۇمىتتەنەمىز.
جوسپارلاپ وتىرعان جوبالارىمىز دا كوپ. استانا فۋتبولىنىڭ تىنىس-تىرلىگىمەن قاتار, قازاق فۋتبولىنىڭ دا ساراپتامالىق تۇرعىداعى ناسيحاتشىسى بولساق دەيمىز.
"بىرلەسە كوتەرگەن جۇك جەڭىل" دەيدى قازەكەم, ەندەشە, سىزدەردىڭ رۋحاني قولداۋلارىڭىز ءبىز ءۇشىن - وتە ماڭىزدى ءارى قاجەت...», دەدى نۇرعازى ساساەۆ الەۋمەتتىك جەلىدەگى پاراقشاسىندا.
داستان كەنجالين.
دەرەك: egemen.kz
سۋرەت: sportsffa.kz/kz