استانا. 20 قاڭتار. قىزىلوردادا سوتتا كاسىپكەردىڭ مۇددەسى قورعالدى. بۇل تۋرالى egemen.kz ءتىلشىسى حابارلادى.
وسىعان بايلانىستى «مير - 2001» جشس-ءنىڭ ديرەكتورى سەيفۋللا اجمولداەۆ سوتتا مۇددەسىن قورعاعان قىزىلوردا وبلىسىنىڭ كاسىپكەرلەر پالاتاسىنا العىسىن ايتتى.
وتكەن جىلدىڭ قاراشا ايىندا مەملەكەتتىك كىرىستەر باسقارماسى تاراپىنان «مير-2001» جشس-ىنە اكىمشىلىك كودەكستىڭ 2-ءبولىم, 281-بابى بويىنشا 4 اكىمشىلىك زاڭ بۇزۋشىلىق بويىنشا ءىس قوزعالادى. اكىمشىلىك قۇقىق بۇزۋشىلىق كودەكسىنە سايكەس اتالمىش باپ بويىنشا ءار اكىمشىلىك قۇقىق بۇزۋشىلىققا 100 اەك تۇرىندە ايىپپۇل قاراستىرىلعان. وسىلايشا «مير»-گە 400 اەك نەمەسە 792 800 تەڭگە ايىپپۇل سالىنادى.
وسى رەتتە, كاسىپكەر پالاتاعا زاڭگەردىڭ كومەگىن سۇراپ كەلگەن بولاتىن.
ال كاسىپكەردىڭ جاعدايىندا ايىپپۇلدىڭ كولەمى 300 اەك-تەن اسپاۋى ءتيىس. ونىڭ ۇستىنە كاسىپكەردىڭ ايىبى قۇقىق بۇزۋشىلىقتىڭ جەڭىل تۇرىنە جاتادى. مۇنداي جاعدايدا زاڭعا سايكەس سۋديا جازا ءتۇرىن جەڭىلدەتە الادى.
اكىمشىلىك زاڭنامانىڭ نورمالارىنا سۇيەنە وتىرىپ, پالاتا زاڭگەرلەرى اپەللياتسيالىق شاعىم ءتۇسىرىپ, سوتتا نەگىزدەمەلەردى كەلتىردى.
ناتيجەسىندە قارماقشى اۋداندىق سوتىنىڭ سۋدياسى مەملەكەتتىك كىرىستەر باسقارماسى قاۋلىسىنا وزگەرىس ەنگىزۋ تۋرالى شەشىم شىعارىپ, كاسىپكەر 400 اەك تۇرىندەگى ايىپپۇلدىڭ ورنىنا 280 اەك ايىپپۇل تولەيتىن بولدى.
«كاسىپكەرلەر پالاتاسىنىڭ زاڭگەرلەرىنە العىسىمدى بىلدىرگىم كەلەدى. بىرىنشىدەن, سوتقا ءتيىستى قۇجاتتاردى ازىرلەپ, مەنىڭ سوتتا مۇددەمدى كوزدەپ, قورعاۋ دا قوماقتى شىعىندى قارجى ەتەدى. ەكىنشىدەن, قورىتىندىسىمەن ءتيىستى ناتيجەگە جەتۋ-جەتپەۋ ءوز الدىنا ءبىر ماسەلە. پالاتا زاڭگەرلەرىنىڭ بىلىكتىلىگىنە ريزامىن. قازىرگى جاعدايدا كاسىپكەر ءۇشىن ءار تەڭگەنىڭ ورنى بار. بۇل ازاماتتار مەنىڭ 250 مىڭ تەڭگەگە جۋىق اقشامدى ساقتاپ قالۋعا كومەكتەستى», دەدى سەيفۋللا اجمولداەۆ.
داستان كەنجالين.
دەرەك, سۋرەت: قىزىلوردا وبلىسى كاسىپكەرلەر پالاتاسىنىڭ ءباسپاسوز قىزمەتى.