پاۆلودار. 20 قاڭتار. پاۆلوداردا «نۇر وتان» پارتياسى وبلىستىق فيليالىندا فراكتسيا باسشىسى ايمان وسپانوۆانىڭ جەتەكشىلىگىمەن پارتيانىڭ وبلىستىق ماسليحاتتاعى دەپۋتاتتىق فراكتسياسى پرەزيديۋمىنىڭ كەڭەيتىلگەن وتىرىسى ءوتتى. بۇل تۋرالى «نۇر وتان» پارتياسى وبلىستىق فيليالىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وتىرىستا 2020 جىلعا دەيىن وڭىرلەردى دامىتۋ باعدارلاماسى اياسىندا وبلىستاعى اۋىلداردى ورتالىقتاندىرىلعان سۋمەن قامتۋ جۇيەسىنىڭ جايى تالقىلاندى.
«باعدارلاما اياسىندا وتكەن جىلى جوسپارلانعان 19 جوبانىڭ ەكەۋى, ەرتىس جانە جولقۇدىق اۋىلدارىندا ىسكە قوسىلدى. قالعانى ەكونوميكالىق جاعدايدىڭ قولايسىزدىعىنان وڭتايلاندىرىلدى», – دەدى وبلىستىق ەكونوميكا جانە بيۋدجەتتىك جوسپالاۋ باسقارماسىنىڭ باسشىسى تالعات ءشارىپوۆ.
جيىن بارىسىندا پاۆلوداردىڭ ەلىمىز بويىنشا اۋىلداردىڭ سۋمەن قامتىلۋى جونىنەن سوڭعى ورىندا ەكەنى ايتىلدى. سوندىقتان دا دەپۋتاتتار سوزدەن ىسكە كوشىپ, اۋىلدارعا سۋ جەتكىزەيىك دەستى.
فاريدا بىقاي.
دەرەك: egemen.kz.
سۋرەت: ايبەك جۇماتوۆ.