قاراعاندى. 20 قاڭتار. قاراعاندى وبلىسىنىڭ اكىمى نۇرمۇحامبەت ابدىبەكوۆتىڭ وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا اسقار ابىلاي ۇلى ىدىرىسوۆ ساتباەۆ قالاسىنىڭ اكىمى قىزمەتىنە تاعايىندالدى. بۇل تۋرالى egemen.kz ءتىلشىسى حابارلادى.
ا.ا. ىدىرىسوۆ 1975 جىلى تۋعان. ەكى جوعارى ءبىلىمى بار. 1997 جىلى ءو. بايقوڭىروۆ اتىنداعى جەزقازعان ۋنيۆەرسيتەتىن, 2005 جىلى ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن تامامداعان. ماماندىعى بويىنشا ينجەنەر-ەلەكترومەحانيك, ەكونوميست. ەكونوميكا عىلىمدارىنىڭ كانديداتى.
مەملەكەتتىك قىزمەتتە 1999 جىلدان بەرى. 2008 جىلدان 2012 جىلعا دەيىن قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋشىلىق-اۋماقتىق جۇمىستار ءبولىمىنىڭ مەملەكەتتىك ينسپەكتورى بولدى.
2012 جىلدىڭ قازانىنان باستاپ 2013 جىلدىڭ ماۋسىمىنا دەيىن وبلىس اكىمى اپپاراتىنىڭ باسشىسى, ساتباەۆ قالاسىنىڭ اكىمى بولىپ قىزمەت ەتتى.
وسى قىزمەتكە تاعايىندالعانعا دەيىن استانا قالاسىندا «نۇر وتان» پارتياسى ورتالىق اپپاراتىنىڭ اۋديت قىزمەتى باسقاردى.
ساتباەۆ قالاسىنىڭ بۇرىنعى اكىمى ءانۋار وماروۆ دەنساۋلىعىنا بايلانىستى ءوز ءوتىنىشى بويىنشا قىزمەتىنەن كەتتى.
قايرات ءابىلدينوۆ.
دەرەك, سۋرەت: egemen.kz.