ءوزىنىڭ بيزنەسىن ەرتە كەزەڭنەن باستاپ دامىتىپ كەلە جاتقان سەمەيدەگى «نەپتۋن» جشس بالىق جانە بالىق ونىمدەرىن ءوندىرۋمەن اينالىسادى. كەڭەس وكىمەتى تۇسىندا بۇل كاسىپورىن «سەميپالاتينسكرىبا» دەپ اتالاتىن.
– ءبىز نارىقتى ساپالى ءونىمدەرمەن قامتۋدى ءجون كوردىك, – دەيدى «نەپتۋن» جشس ديرەكتورى قايرات قۇسايىنوۆ, – بۇگىندە «نەپتۋن» ەتيكەتكاسى بار ونىمدەردى قالاداعى 600 ساۋدا نۇكتەسى ساتىپ وتىر. جانە رەستوراندار مەن كافەلەردە دە «نەپتۋن» تاعامدارى كەزدەسەدى.
مايشاباق, كىشكەنتاي تەڭىز بالىعى, تابان بالىق جانە تاعى دا باسقا كوپتەگەن بالىق ءتۇرلەرى وسىندا تۇزدالىپ, قاتتالىپ, فابريكات جانە جارتىلاي فابريكات تۇرىندە ساتىلادى. تۇرعىندار دا «نەپتۋن» ءونىمدەرىنە جوعارى باعا بەرەدى. سەبەبى, ول گوست تەحنولوگياسىنا سايكەس جاسالادى. ونىمدەردىڭ بارلىعى ۆەتەرينارلىق جانە سانيتارلىق قاداعالاۋدان وتەدى. سوندىقتان دا ونىمدەردە دەنساۋلىققا زيان كەلتىرەتىن حيميكاتتار, كونسەرۆانتتار جوق. «نەپتۋن» جشس قاراماعىنا ءتۇرلى تسەحتار مەن توڭازىتقاشتار ورناتقان بولمەلەر كىرەدى. جىلىنا «نەپتۋن» بيۋدجەتكە 3,0-3,5 ملن. تەڭگە كولەمىندە سالىق تولەيدى ەكەن. بۇل كاسىپورىنعا ءشۇلبى سۋ قويماسىنداعى بالىق اۋلاۋ اۋماعى 2006 جىلدان باستاپ تيەسىلى. ول جەردە بالىقتار اۋ سالىنۋ ارقىلى جانە قارماقپەن, تاعى باسقا دا تۇرلەرمەن اۋلانادى. جىل بويى بالىق اۋلاۋ بەرىلگەن كۆوتا, ليميتپەن سايكەس جۇزەگە اسىرىلادى. جىلىنا ورتا ەسەپپەن 60-70 توننا وزەن بالىعى اۋلانادى. بالىقتىڭ ءبىراز بولىگى قايتا وڭدەۋگە جىبەرىلەدى, جارتىسى مۇزداتىلعان كۇيدە ساتىلادى. مىنە, وسىنداي بالىق ءوندىرىسى سالاسىنداعى ىلگەرىلەۋشىلىكتى قالا اكىمى ەرماك ءسالىموۆ تە ارنايى بارىپ كورىپ, كاسىپورىن ۇجىمىمەن تانىستى. كاسىپورىن اۋلانعان بالىق ورنىن جاس بالىق تۇقىمدارىمەن تولتىرىپ وتىرادى ەكەن. قاجەت بولعان جاعدايدا بالىق تۇرلەرى ءنوۆوسىبىر, ومبى, بارناۋل قالالارىنان, پاۆلوداردان دا اكەلىنەدى. 2011 جىلدان باستاپ, «نەپتۋن» جشس كەدەن وداعىنىڭ ەسەپتىك تىركەۋ رەەسترىندە تۇر. جانە ءوز ونىمدەرىن رەسەيگە ساۋدالاۋ ارقىلى كاسىپورىن وزگە دە ەلدەردىڭ نارىعىنا شىعۋدى كوزدەپ وتىر. كاسىپورىندا بۇل كۇندەرى 25 ادام جۇمىس ىستەيدى. ولاردىڭ ارقايسىسى جىل سايىن بىلىكتىلىكتەرىن ارتتىرۋدا. بۇل ءۇشىن سەرىكتەستىك باسقا ەلدەردىڭ فيرمالارىنان مامانداردى شاقىرتۋدا. قازىرگى ۋاقىتتا ولار گيگيەنا ساقتاۋ, تەحنولوگيانى مەڭگەرۋ جانە جاڭا ونىمدەردى وڭدەۋدى قولعا الىپتى, بۇعان جاۋاپتى گەرمانيادان كەلگەن مامان انيتا پيكلاپس.
راۋشان نۇعمانبەكوۆا.
سەمەي.