پەتروپاۆل. 11 قاڭتار. سىبايلاس جەمقورلىققا قارسى كۇرەس جونىندەگى ۇلتتىق بيۋرونىڭ قىزمەتكەرلەرى ىشكى ىستەر دەپارتامەنتىنىڭ ىشكى قاۋىپسىزدىك باسقارماسىمەن بىرلەسە وتىرىپ جۇرگىزگەن جەدەل شارا بارىسىندا ەكى پوليتسيا ساقشىسىن پارامەن تۇتقىندادى. بۇل تۋرالى egemen.kz ءتىلشىسى حابارلادى.
پەتروپاۆل قالالىق ىشكى ىستەر باسقارماسى كريمينالدىق پوليتسيا ءبولىمىنىڭ ەكى ۋاكىلى, اتاپ ايتقاندا, پوليتسيا كاپيتاندارى ج. ساحاتوۆ پەن ە. ءشايىنوۆ جەكە تۇلعاعا قاتىستى قىلمىستى ءىستى توقتاتۋ ءۇشىن 100 مىڭ تەڭگە مولشەرىندە الىم تالاپ ەتكەن. الايدا ارام ويلى سۇعاناقتاردىڭ پيعىلى جۇزەگە اسپادى. جەڭىل كولىك ىشىندە پارانى شىتىرلاتىپ ساناپ الىپ جاتقان جەرىنەن قولدارىنا كىسەن سالىندى.
كۇدىكتىلەر قاماۋعا الىنىپ, تەرگەۋ امالدارى جۇرگىزىلۋدە.
ءومىر ەسقالي.
دەرەك, سۋرەت: egemen.kz