كوكشەتاۋ. 11 قاڭتار. كوكشەتاۋ كوشەلەرىندە تاعى ءبىر توسىن وقيعا ورىن الدى. بۇل تۋرالى egemen.kz ءتىلشىسى حابارلادى.
قالانىڭ قاق ورتاسىنداعى اۋەلبەكوۆ جانە عابدۋللين كوشەلەرىنىڭ قيىلىسار تۇسىندا ەكپىندەتىپ كەلگەن «شەۆرولەت اۆەو» جەڭىل كولىگى ەلەكتر باعاناسىنا سوعىلدى.
وبلىستىق ماي قىزمەتكەرلەرىنىڭ حابارلاۋىنشا, «شەۆرولەتتىڭ» جۇرگىزۋشىسى تىزگىنگە يە بولا الماي, باعدارشامنىڭ تاپ الدىنداعى ەلەكتر باعاناسىنا سوعىلعان. قاتتى سوققىدان ءتۇبى وپىرىلىپ تۇسكەن بەتون باعانا «شەۆرولەتپەن» قوسا, ونىمەن يىقتاسىپ بارا جاتقان «لەكسۋس» جەڭىل كولىگىنىڭ ۇستىنە قۇلاعان. وسىنىڭ سالدارىنان كولىكتەر قوزعالىسىنا ءبىراز كەدەرگى كەلتىرىلدى.
ايىپ تۇراعىنا قويىلعان «شەۆرولەتتىڭ» يەسى قوس ماشينەنى جوندەۋدىڭ قامىندا ءجۇر.
باقبەرگەن امالبەك.
دەرەك, سۋرەت: egemen.kz