استانا. 11 قاڭتار. اۋا رايىنىڭ قولايسىزدىعىنا بايلانىستى ەلىمىزدىڭ 4, ياعني, الماتى, قاراعاندى, اقمولا جانە پاۆلودار وبلىستارىندا تاسجولدار جابىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
«قازاقاۆتوجول» رمك ءباسپاسوز قىزمەتىنىڭ حابارلاۋىنشا, الماتى وبلىسىندا اۋا رايىنىڭ ناشارلاۋىنا بايلانىستى «ءۇشارال-دوستىق» (83-184 شاقىرىم) تاسجولىنىڭ كوكتۋما ستانساسىنان دوستىق ستانساسىنا دەيىنگى بولىگىندە كولىكتىڭ بارلىق ءتۇرىنىڭ قوزعالىسىنا شەكتەۋ قويىلدى.
سونىمەن قاتار, قاراعاندى وبلىسىندا جاۋىن-شاشىن مەن جەلدىڭ كۇشەيۋىنە جانە كوكتايعاققا بايلانىستى «قىزىلوردا-پاۆلودار» تاسجولىنىڭ (433-749 شاقىرىم) جەزقازعان-اتاسۋ ۋچاسكەسىندە جۇك كولىگى مەن قوعامدىق كولىك ءۇشىن قوزعالىس جابىلدى.
ودان بولەك, بۇگىن ساعات 14:10-دا اۋا رايىنىڭ بۇزىلۋىنا بايلانىستى «ەكاتەرينبۋرگ-الماتى» تاسجولىنىڭ 1492-1610 شاقىرىمىنداعى قاراعاندى-اقسۋ-ايۋلى بولىگىندە جۇك كولىگى مەن قوعامدىق كولىك ءۇشىن قوزعالىس شەكتەلدى.
ساعات 15:00-دە وسىنداي سەبەپتەرمەن تومەندەگى مىنا جولداردا جۇك كولىگى مەن قوعامدىق كولىك ءۇشىن قوزعالىس شەكتەلدى:
«ەكاتەرينبۋرگ-الماتى» تاسجولىنىڭ 1353-1425 شاقىرىمىنداعى اقمولا وبلىسىنىڭ شەكاراسى مەن تەمىرتاۋ ارالىعى;
«قىزىلوردا-پاۆلودار» تاسجولىنىڭ 753-905 شاقىرىمىنداعى اتاسۋ كەنتىنەن توپار كەنتىنە دەيىنگى بولىك;
«قىزىلوردا-پاۆلودار» تاسجولىنىڭ 970-1135 شاقىرىمىنداعى قاراعاندىدان پاۆلودار وبلىسىنىڭ شەكاراسىنا دەيىنگى ۋچاسكە;
«قاراعاندى-اياگوز-بۇعاز» تاسجولىنىڭ 17-217 شاقىرىمىنداعى قاراعاندىدان قارقارالى قالاسىنا دەيىنگى بولىك;
«قالقامان-باياناۋىل-كەرنەي-بوتاقارا» جولىنىڭ 231-324 شاقىرىمىنداعى پاۆلودار وبلىسىنىڭ شەكاراسىنان بوتاقارا كەنتىنە دەيىنگى بولىك.
ەلامان قوڭىر.
دەرەك: inform.kz.
سۋرەت: yk-news.kz.