استانا. 11 قاڭتار. شىمكەنت قالاسىنىڭ اۆياتسيالىق بازاسىندا مي-171ش كولىكتىك-جاۋىنگەرلىك تىكۇشاقتاردى قارسى الۋ سالتاناتتى ءراسىمى ءوتتى. بۇل تۋرالى egemen.kz ءتىلشىسى حابارلادى.
تىكۇشاقتار «رەسەي تىكۇشاقتارى» حولدينگىنە كىرەتىن قازاقستاندىق تاراپ پەن ۇلان-ۋدە اۆياتسيالىق زاۋىتى اراسىندا بۇدان بۇرىن جاسالعان كەلىسىمشارتقا سايكەس ۇشىپ كەلدى.
اۆيابازانىڭ ۇشۋ جانە ينجەنەرلىك-تەحنيكالىق قۇرامى ءوندىرۋشى زاۋىتتا تەوريالىق جانە ۇشۋ داعدىسىنان ءوتتى.
مي-171ش تىكۇشاعى مي-8 ۇلگىسىندەگى تىكۇشاقتاردىڭ سوڭعى موديفيكاتسياسىنىڭ ءبىرى بولىپ تابىلادى. جوعارى ۇشۋ-تەحنيكالىق سيپاتتامالارى, سەنىمدىلىك, تسەلسيا بويىنشا -50-دەن +50 گرادۋسقا دەيىنگى اۋا رايى جاعدايى مەن تەمپەراتۋرانىڭ كەڭ دياپازونىندا قولدانۋ مۇمكىندىگى, كوپ فۋنكتسيونالدىلىعى, پايدالانۋ مەن قىزمەت كورسەتۋدەگى قاراپايىمدىلىعى سەكىلدى بۇل تىكۇشاقتاردىڭ قاسيەتتەرى بۇكىل الەمدەگى وپەراتورلاردىڭ سەنىمىنەن شىعا ءبىلدى.
دەسانتتىق-كولىكتىك تاپسىرمالاردى ورىنداۋدان باسقا, بۇل تىكۇشاق قۇرلىقتاعى بولىمشەلەردى قولداۋ, قارسىلاستىڭ جاندى كۇشىن, بروندى تەحنيكانى, بەكىتىلگەن وق اتۋ نۇكتەلەرى مەن وزگە دە قوزعالمالى جانە قوزعالمايتىن نىسانالاردى جويۋ, دەسانتتى اتىسپەن قولداۋ, اسكەري لەكتەردى الىپ ءجۇرۋ, پاترۋلدەۋ, ىزدەۋ-قۇتقارۋ جانە بارلاۋ وپەراتسيالارىن جۇرگىزۋ ءۇشىن ارنالعان.
اۆياتسيالىق پاركتى جاڭا تىكۇشاقتارمەن تولىقتىرۋ جالپى العاندا, اسكەري-اۋە كۇشتەرى مەن قازاقستان رەسپۋبليكاسى قارۋلى كۇشتەرىنىڭ جاۋىنگەرلىك قابىلەتتىلىگىن ارتتىرۋعا مۇمكىندىك بەرەدى.
سالتاناتتى ءىس-شاراعا قر قك اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى نۇرلان ورمانبەتوۆ پەن اسكەري-اۋە كۇشتەرىنىڭ قولباسشىسى اۆياتسيا گەنەرال-مايورى داۋرەن قوسانوۆ, قر قارۋلى كۇشتەرىنىڭ ارداگەرلەرى, جەرگىلىكتى بيلىك ورگاندارىنىڭ, سونداي-اق ءوندىرۋشى زاۋىتتىڭ وكىلدەرى قاتىستى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.