قاراعاندى. 11 قاڭتار. قاراعاندى وبلىسىنداعى شاحتينسك قالاسىندا اسا تانىمال مەيرامحانا تونالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ساعات تاڭعى بەستە بەتپەردە كيگەن ءتورت ادام كۇزەتشى ايەل مەن كونديتەر كەلىنشەكتى قارۋمەن قورقىتىپ, مەيرامحانا ديرەكتورىنىڭ كابينەتىنە ەنەدى. سودان كەيىن, ولار سوۆەت زامانانىنان قالعان ەسكى سەيفتىڭ ەسىگىن وپ-وڭاي بۇزىپ, ىشىندەگى 46 ميلليون تەڭگەنى تۇگەلدەي ۇپتەپ كەتكەن.
ءتارتىپ ساقشىلارى ءۇشىن بۇل قىلمىستى اشۋ وڭايعا تۇسەيىن دەپ تۇرعان جوق. ويتكەنى, قاراقشىلاردىڭ بارلىعى دا بىردەي قارا ءتۇستى كيىم كيگەن جانە بەتتەرى دە جابىق بولعان. ونىڭ ۇستىنە ولار ءبىر دە ءبىر جەرگە ساۋساق تاڭباسىن قالدىرماپتى.
قازىرگى تاڭدا ىزدەستىرۋ جۇمىستارى جالعاسۋدا.
قايرات ءابىلدينوۆ.
دەرەك, سۋرەت: egemen.kz.